Elordada «Salamatty ómir saltyn qalyptastyrý» aksııasy uıymdastyryldy. Is-shara kezinde Qazaqstan Halyq partııasynyń ókilderi men turǵyndar qala kóshelerimen júgirip ótti.
Marafonnyń maqsaty – qala turǵyndaryna salamatty ómir saltyn nasıhattap, sportpen aınalysýǵa shaqyrý. Sondaı-aq taıaý kúnderi ótetin saılaýǵa úgit-nasıhat jumystaryn júrgizý.
«Qozǵalys – ómirdiń máni! Dárigerlerdiń aıtýynsha, adam densaýlyǵynyń 50 paıyzy salamatty ómirmen ushtasqan. Sondyqtan da mindetti túrde arnaıy sport zaldaryna barmaı-aq, dene qozǵalysyn jasasa bolady», dedi Parlament Májilisi depýtattyǵyna kandıdat Nurdáýlet Orazhanov.
Partııalyqtar 19 naýryzda Parlament Májilisi men máslıhat depýtattarynyń saılaýy ótetinin taǵy bir eske saldy. «Halyq partııasy ádil saılaýdy qoldaıdy. Partııanyń saılaýaldy baǵdarlamasynyń negizgi ustanymy – bılik pen baılyq halyqqa tıesili!», dedi partııalyqtar.
Parlament Májilisi depýtattyǵyna kandıdattar Nurdáýlet Orazhanov pen Naılıa Appasova elordadaǵy «KEGOC» AQ ujymymen kezdesti. Olar qyzmetkerlerdi partııanyń saılaýaldy baǵdarlamasyn tanystyrdy.
Aldymen spıkerler Halyq partııasy Qazaqstandaǵy kapıtalızmniń qalyptasqan júıesin ózgertý nıetti ekenin atap ótti. Munan soń partııa ókilderi saılaýshylardyń elimizdegi kedeıshilikti joıý men mindetti medısınalyq saqtandyrýǵa qatysty saýaldaryna jaýap berdi.
«Halyq partııasy qýatty orta tap qurý jáne jumyssyzdyqty, kedeıshilik pen qaıyrshylyqty joıýdy, sheteldik ınvestorlarmen kelisim-sharttardy qaıta qaraýdy, olıgarhtardyń múlkin tárkileýdi jaqtaıdy», dedi olar.
«Kedeılik pen az jalaqy qazaqstandyqtardyń ómir súrý sapasyn tómendetip qana qoımaıdy. Olardyń durys tamaqtanýyna, emdelýine jáne balalaryna jaǵdaı jasaýyn shekteıdi. Bul ózekti máselege aınalyp otyr. Qazir halyq tómengi tabyspen barlyq jaǵdaıǵa únemdilik tanytyp, kúndelikti tutynýǵa qajetti zattardy satyp alýǵa qol jetkize almaı keledi. Osynyń saldarynan otandyq óndiris pen ishki naryqta ekonomıkalyq quldyraý baıqalady», dedi kandıdattar.