Jalpyulttyq sosıal-demokratııalyq partııasy atynan Parlament Májilisiniń depýtattyǵyna kandıdat Nuraınash Kamalova «KazTransOıl» JShS ujymymen kezdesý ótkizdi.
Kezdesý barysynda kandıdat partııa baǵdarlamasynyń negizgi tarmaqtary jaıynda sóz qozǵady. Ol óz sózinde saılaýaldy baǵdarlamanyń negizgi baǵdary adam ekendigin málimdedi. Úmitker atap ótkendeı, memleketpen jasaqtalǵan áleýmettik lıftterden búgingi kúni paıda joq. Sol sebepti áleýmettik qoldaý júıesin qurý mańyzdy.
Úmitkerdiń paıymdaýynsha, áleýmettik saıasat adamdardyń neǵurlym dáýletti sanattarǵa kóterilýine, keı jaǵdaılarda kedeılikke ushyramaýyna jaǵdaı jasaýy kerek. Sonymen qatar kandıdat eńbek qaýipsizdigi máselelerine de toqtaldy. Bul salada óndiristik jaraqat pen jazataıym oqıǵalardyń deńgeıi óte joǵary. Oǵan sebep – jumys berýshilerdiń jumysshylar densaýlyǵynyń qaýipsizdigin qamtamasyz etý júıelerin jaqsartýǵa qarajat bólgisi kelmeıtindigi. Bul másele partııanyń saılaýaldy baǵdarlamasynda jan-jaqty qamtylǵan. Ony sheshý joldary da ázir.
Úmitker jaǵdaıdy ózgertý úshin bıznes olıgarhattyń ne memlekettiń qýdalaýy men qysymynan qoryqpaı, adal jumys istep, salyq tóleı alatyndaı qoǵamdy, bıznesti jáne memleketti tepe-teńdik kúıine qaıtarý qajet ekenin aıtty. Bul kezde iri kompanııalar ózderiniń baılyǵy men mólsheri úshin jaýap berip, memleket bolsa, óz azamattaryna esep beretin bolady.
Kandıdat partııanyń saılaýaldy baǵdarlamasynda jańa Eńbek kodeksin qabyldaý týraly tarmaq bar ekenin atap ótti: atalǵan qujatta eńbek sharttaryn jasasý kezinde jumyskerler men jumys berýshilerdiń tolyq teńdigi qamtamasyz etiletin qaǵıdat bar.
«El halqynyń ómir sapasyn jaqsartý – memlekettiń basym baǵyttarynyń biri. Álem boıynsha statıstıkalyq derekterde jaǵdaıymyz máz emes. О́mir sapasyn arttyrýǵa birneshe faktor áser etedi. Jumyssyzdyq máselesimen qatar, jemqorlyqqa qatysty máselelerdi túbegeıli sheshpeıinshe, memlekettik basqarý júıesin qalypty júzege asyrý múmkin emes. Jemqorlyqpen kúresti kúsheıtý kerek», dedi kandıdat.