Ekvador – Latyn Amerıkasyndaǵy senimdi seriktes el

Qazaqstan Syrtqy ister mınıstri Erlan Ydyrysov Astanaǵa resmı saparmen tuńǵysh ret kelgen Ekvador Syrtqy ister mınıstri Rıkardo Patınomen kezdesý ótkizdi, dep habarlady QR SIM-iniń baspasóz qyzmeti. E.Ydyrysov Ekvador Syrt­qy ister mınıstriniń sapary ekijaqty qatynastardyń tarı­hynda alǵash ret júzege asyp otyrǵanyn atap kórsetip, Asta­na Kıtony Latyn Amerı­kasyndaǵy mańyz­dy saıası jáne ekonomıkalyq seriktesi retinde qarastyratynyn aıtty. Taraptar ekijaqty, óńirlik, kópjaqty yntymaqtastyqtyń birshama máselelerin, sonyń ishinde BUU Qaýipsizdik Keńesine 2017-2018 jyldary turaqty emes músheligine Qazaqstannyń kandıdatýrasyn qoldaý máse­le­sin talqylady. Qazaqstan men Ekvadordy damýdyń ortaq basymdyqtary men halyq­ara­lyq máseleler boıynsha ustanym­darynyń jaqyndyǵy biriktiredi. Qazaqstandyq syrtqy saıasat mekemesiniń basshysy atap ótkendeı, QR SIM azamattarymyz úshin vızalyq tártipti lıberızasııalaý isimen daǵdyly túrde aınalysady. Osyǵan oraı, suhbattastar eki el azamattarynyń ózara vızasyz saparlary týraly kelisimniń  arada kúshine enýiniń mańyzdylyǵyn atap ótti (2013 jyldyń qyrkúıek aıynda qol qoıylǵan kelisimniń kúshine enýi úshin memleket ishinde kelisý úderisinen ótýi tıis; Qazaqstan tarapynyń úderisi aıaqtalǵan, Ekvador tarapy jaqynda aıaqtaıtyn bolady). Ekvador Qazaqstannyń Latyn Amerıkasyndaǵy tórtinshi iri saýda seriktesi bolyp tabylady (Brazılııa – 377,1 mln. AQSh doll., Meksıka – 121,4 mln. AQSh doll., Argentına – 40,1 mln. AQSh doll. jáne Ekvador – 38,9 mln. AQSh doll.; 2013 jyldyń derekteri boıynsha). 2013 jyly ekijaqty saýda aınalymynyń kólemi 30%-ǵa ósti. «Bul jaman kórsetkish emes, sonda da bul yntymaqtastyqty keńeıtýge eleýli áleýetimiz bar ekeni anyq»,  dedi QR SIM basshysy. Kelissózderdiń mańyzdy qorytyndysy eki eldiń jan-jaqty yntymaqtastyǵyna qo­symsha úles qosatyn Sim-aralyq saıası konsýltasııalar týraly memorandýmǵa qol qoıý bolyp tabylady. О́ziniń resmı sapary sheń­berinde Ekvador Syrtqy ister mınıstri R.Patıno QR Parla­menti Senatynyń Tóraǵasy Q-J.Toqaev, Premer-Mınıstr K.Má­simov, Munaı jáne gaz mınıstri U.Qarabalın, Qorshaǵan orta jáne sý resýrstary mınıstri N. Qapparovpen jáne birqatar mınıstrlikter men mekemelerdiń basshylarymen kezdesti.

Qazaqstan men Ekvador ara­syndaǵy dıplomatııalyq qaty­nastar 2012 jyldyń 23 qańta­rynda ornaǵan.