Memleket basshysy Qasym-Jomart Toqaev grek-rım, erkin jáne áıelder kúresi boıynsha Astanada ótken Azııa chempıonatynyń jeńimpazdary men júldegerlerin jarqyn jetistikterimen quttyqtady, dep habarlaıdy Egemen.kz Aqorda baspasóz qyzmetine silteme jasap.
«Sizder baıraqty básekede top jaryp, el abyroıyn asqaqtattyńyzdar. Boz kilemde jeńiske degen erik-jiger men sheberliktiń ozyq úlgisin kórsetip, jankúıer qaýymǵa zor qýanysh syıladyńyzdar. Bul – tabandylyq pen qaısarlyqtyń, tynymsyz eńbektiń nátıjesi. Sizderdiń jeńisterińiz sportty serik etken jastardy jigerlendirip, bıik belesterge bastaıtyny sózsiz. Elimiz kúres ónerin damytý úshin barlyq jaǵdaıdy jasap otyr. Balýandarymyzdyń dúbirli dodalarda úzdikter qatarynan kórinýi – sonyń aıqyn dáleli», dep jazylǵan Prezıdenttiń quttyqtaý hatynda.
Memleket basshysy sportshylarymyzdyń aldaǵy ýaqytta da alaman saıystarda joǵary nátıje kórsetip, el mereıin kótere beretinine senim bildirdi.