«Týr de Frans» kópkúndiginiń ekinshi kezeńdik
jarysynda «Astana» veloklýbynyń kapıtany Vınchenso Nıbalı jeńimpaz atandy.
Jarystyń ekinshi kezeńi 201 shaqyrymǵa sozyldy.
Bul synda «Astananyń» veloshabandozdary qarsylastarynyń nazaryn jarys boıy ózderine aýdaryp otyrdy. Sonyń ishinde beseýi kómbege deıin Nıbalıdiń janynda bolyp, basty básekelesterin jańyldyryp, komanda kapıtanyna márege birinshi kelýge jaǵdaı jasady.
Al sońǵy tórt shaqyrymda dat velosportshysy Iаkob Fýlsang «Astananyń» qarsylastarynyń nazaryn ózine aýdaryp, olardy múldem shatastyryp jiberdi. Osy kezde ol qaıta-qaıta shabýyldap, basty básekelesterin ózin ańdýǵa májbúrledi. Al Nıbalı bolsa, kómbege eki shaqyrym qalǵanda qarsylastarynyń arasynan sytylyp shyǵyp, máre syzyǵyn birinshi bolyp kesti.
Sóıtip, ol ekinshi kezeńde jeńiske jetip qana qoımaı, jalpy esepte de birinshi orynǵa shyǵyp kósh bastady. Osy jeńisten keıin Nıbalı kóshbasshylyq sary jeıdeni kıdi. Slovakııa veloshabandozy Peter Sagan odan eki sekýnd qana qalyp, eki kezeń boıynsha ekinshi orynǵa ornyqty.
Bıyl «Týr de Frans» velojarysy 101-ret ótip jatyr.
Dastan KENJALIN,
«Egemen Qazaqstan».