Shıraqtyǵyna qaraǵanda bul petýndar dep atalatyn bir jasar aıýdyń qonjyǵy bolýy múmkin. Adamdar ony Tekeli qalasy mańynda baıqap qalǵan, dep habarlaıdy Egemen.kz.
Tıan-Shan qońyr aıýy barlyq azyq túrimen qorektenedi. Ol ártúrli tamyrlar, jıdekter (tipti qurǵaq bolsa da), túrli shópter jáne ósimdik pııazdaryn jeıdi. Al jazda jemis-jıdek jegendi unatady. Keıde onyń jemine sýyrlar, usaq kemirgishter, tipti jándikter de aınalady. Qońyr Tıan-Shan aıýy aqýyz taǵamynan góri ósimdik taǵamdaryn jaqsy kóredi.
Tıan-Shan aıýynyń basty ereksheligi - aldyńǵy tabanynyń uzyn aqshyl tyrnaqtary. Onyń artqy tabandarynyń tyrnaǵy qoıý qońyr keledi. Ol aıýlar arasynda eń sabyrly túrlerdiń birine jatady, biraq áıtse de jaqyn qarym-qatynastan aýlaq bolǵan jón. Ásirese qazir, qysqy uıqydan oıanyp, qorek izdegen kezde. Al ana aıý balasyn jalǵyz alysqa jibermeıdi. Eger ol qonjyǵyna qaýip tónetinin sezse, qaýip-qaterge basyn tigýi múmkin.