Bereke men birliktiń otany bolǵan elimizdiń elordasynda ótken Qazaqstan halqy Assambleıasynyń HHHII sessııasynda el birligi men tatýlyǵy jaıynda aıtylǵan óreli áńgimeler eshkimdi de beıjaı qaldyrmaıdy.
Sóz joq, Assambleıa – bizdiń qoǵamdy biriktirýshi erekshe uıym. Muny Memleket basshysy da udaıy aıtyp keledi. Qurylǵan kezden beri QHA ýaqyt synynan súrinbeı ótip, kópetnosty qoǵamǵa qajetti ınstıtýt ekenin daýsyz dáleldedi. Assambleıanyń buǵan deıingi sessııalarynda da osy qoǵamdyq uıymnyń úlken áleýetin sergek sezindire alatyn kóptegen bastama kóterildi. Onyń barlyǵy elimizdegi tatýlyq pen dostyqtyń saltanat qurýyna qaltqysyz qyzmet etip keledi.
Assambleıa basshylyǵy ókilderimen keshegi kezdesý kezinde Prezıdent QHA-nyń qoǵamdaǵy birlik pen tatýlyq barlyq reformanyń nátıjeli bolýynyń alǵysharty ekenin atap ótti. Qazirgideı álemdegi alasapyran oqıǵalar men alpaýyt memleketter arasynda túrli teketires oryn alyp otyrǵan kezde elimiz tynysh, jurtymyz aman bolǵanǵa ne jetsin?! Sondyqtan barymyzdy, bereke-birligimizdi baǵalaı bileıik.
Sessııa kezinde jańa áriptesterimizben tanysyp, pikirler almastyq. Respýblıkanyń barlyq óńirinen jınalǵan delegattardyń oılary men usynystaryn tyńdaý da tájirıbe almasýda úlken septigin tıgizedi. Osyndaı irgeli jıyndarǵa qatysýdyń mańyzy erekshe.
Indıra RAVAN,
«Assambleıa jastary» RQB
ókildiginiń tóraǵa orynbasary