Astanada ótip jatqan Qazaqstan halqy Assambleıasynyń HHHII sessııasynda QHA jumysyn jaqsartý, onyń qoǵamdyq qurylymdarynyń – etnomádenı birlestikterdiń, analar keńesiniń, aqsaqaldar keńesiniń, «Assambleıasy jastary» jastar qanatynyń, kásipkerler qaýymdastyǵynyń jáne basqa da qurylymdarynyń jumysyn jetildirý joldary jan-jaqty talqyǵa salyndy.
Aıtylǵan oı-pikir, usynystar birtindep oryndalady dep oılaımyn.
Qaıyrymdylyq isterimen 20 jyldan astam ýaqyttan beri aınalysyp kele jatqan adam retinde osy alańdy paıdalana otyryp men de bir usynys jasadym.
Elimizdegi barlyq qaıyrymdylyq uıymdary, sonymen qatar Qazaqstan halqy Assambleıasy janyndaǵy qaıyrymdylyq klýbtary memlekettik qurylymdarmen ózara is-árekettestik jasaýda qıyndyqtarǵa tap bolyp jatady. Biz – kómekke muqtaj jandar bolsa, kez kelgen ýaqytta járdem qolyn sozýǵa daıynbyz. Dese de kóbine-kóp memlekettik qurylymdar tarapynan qoldaý jaǵy kemshin. Biz qarjylyq qoldaý suramaımyz. Bar bolǵany ózimizdiń is-sharalarymyzdy ótkizýge uıymdastyrýshylyq jaǵynan qoldaý bolǵanyn qalaımyz. Bar suraıtynymyz osy.
Jalpy, Assambleıa elimizdegi barlyq mektepke deıingi mekemelerde bilim berý, tárbıe berý isin jappaı qazaq tilinde uıymdastyrý máselesin qoldap, osy baǵytta túsindirý jumystaryn júrgizýi kerek.
Alla KÝVShINOVA,
QHA qaıyrymdylyq klýbynyń tóraǵasy
Soltústik Qazaqstan oblysy