Negizgi UBT-ǵa ótinishterdi qabyldaý 28 sáýirde bastalyp, 14 mamyrǵa deıin jalǵasady, dep habarlaıdy Egemen.kz Ǵylym jáne joǵary bilim mınıstrliginiń baspasóz qyzmetine silteme jasap.
Memlekettik bilim berý grantyn taǵaıyndaý konkýrsyna qatysýǵa arnalǵan UBT 16 mamyrda bastalyp, 5 shildege deıin ótedi. Barlyq talapkerge UBT-ny tapsyrýǵa eki múmkindik beriledi.
QR Ǵylym jáne joǵary bilim mınıstrliginiń sheshimi boıynsha 2023 jyly talapkerler negizgi UBT-ny eki ret tapsyryp, eń úzdik nátıjemen grant konkýrsyna qatysa alady. Sondaı-aq olar testileý kúnin, ýaqytyn jáne ornyn ózderi tańdaıdy. Bul rette talapkerler eki múmkindik úshin beıindik pánderdiń bir ǵana kombınasııasyn belgileıdi.
UBT-ǵa qatysý úshin Ulttyq testileý ortalyǵynyń http://app.testcenter.kz saıtynda tirkelýge bolady. Atap óteıik, tirkelýdiń birinshi kezeńi 28 sáýirden 6 mamyrǵa deıin, ekinshi kezeńi 7 mamyrdan 14 mamyrǵa deıin júzege asyrylady.
«Talapkerlerdiń negizgi UBT-ǵa daıyndyǵyn jaqsartý maqsatynda ótken jyly ár pán boıynsha jeke taqyryptyq taldaý engizildi. Iаǵnı, ár UBT-dan keıin (qańtar, naýryz) túlekterge jeke taqyryptar boıynsha bilimderin arttyrý usynylady. Sonymen qatar, birinshi múmkindikti tapsyrǵannan keıin olar ekinshi múmkindikke deıin daıyndyqtaryn jaqsarta alady. Odan bólek, biz tegin onlaın baıqaý synaqtaryn iske qostyq. Bilim berý ortalyqtarymen birlesip, tegin onlaın sabaqtardy jalǵastyrdyq. Al oqý jylynyń basynda UTO saıtynda test tapsyrmalary qurastyrylǵan ádebıetter tizimi men test jospary; «Qazaqstan tarıhy» jáne «Dúnıejúzi tarıhy» pánderi boıynsha 100 tarıhı data tizimi; «Informatıka» páninen termınder tizimi; «Qazaq ádebıeti» jáne «Orys ádebıeti» boıynsha ádebı shyǵarmalar tizimi jarııalandy. Daıyndyq sapasyn jaqsartý úshin osy jáne basqa da qabyldanǵan sharalar túlekterimizge testileýde joǵary nátıje kórsetýge kómektesedi dep úmittenemiz», dedi QR ǴJBM Ulttyq testileý ortalyǵynyń dırektory Rýslan Emelbaev.