Álem chempıonatynyń D tobynyń alǵashqy oıynynda AQSh quramasy Paragvaıdy 4:1 esebimen jeńdi, dep habarlaıdy Egemen.kz
Kezdesý AQSh-tyń Inglvýd qalasyndaǵy «Soý-Faı» stadıonynda ótti. Bas tóreshi qyzmetin Nıderlandtyń Dordreht qalasynan kelgen Dannı Makkelı atqardy.
Birinshi taımda AQSh shabýylshysy Foların Balogýn dýbl avtory atanyp, óz komandasyn alǵa súıredi. Buǵan deıin, oıynnyń 7-shi mınýtynda Paragvaı jartylaı qorǵaýshysy Damıan Bobadılıa dopty óz qaqpasyna soǵyp alǵan bolatyn. Al 29-mınýtta Balogýn taǵy bir márte mergendik tanytqanymen, gol ofsaıdqa baılanysty esepke alynbady. Degenmen 31-mınýtta ol amerıkalyqtardyń basymdyǵyn eki eselep úlgerdi.
Ekinshi taımnyń ortasynda paragvaılyqtar Maýrısıo golynyń arqasynda esep aıyrmasyn qysqartty. Alaıda matchtyń sońyna qaraı AQSh quramasy sapyndaǵy Djovannı Reına tórtinshi goldy soǵyp, kezdesýdegi sońǵy núkteni qoıdy.
Osylaısha, AQSh quramasy Paragvaıdy 4:1 esebimen senimdi túrde jeńip, álem chempıonatynyń toptyq kezeńin sátti bastady.