Topjarǵandar

Qazaqstannyń eń úzdik 50 joǵary oqý ornynyń 2014 jylǵy ulttyq reıtıngi

Joǵary oqý oryndaryn saralaý jáne jekelegen oqý baǵdarlamalarynyń reıtıngtik kestesin qurastyrý jahandyq sıpattaǵy qubylys bolyp tabylady. Onyń maqsaty joǵary oqý orny týraly ońaı túsindiriletin bilim berý qyzmeti tutynýshylarynyń suranysyn qanaǵattandyratyn, oqý oryndaryn básekelestik qabilettilikke yntalandyratyn, ınvestısııalardy salýǵa ońtaıly ýájdeme beretin túrli pánder, baǵdarlamalar arasynan tańdaý jasaýǵa kómektesý. Durys túsiný men túsindirý jaǵdaıynda, reıtıngter naqty eldegi joǵary oqý oryndardyń sapasyn anyqtaýǵa járdemdesedi, memlekettik organdar men táýelsiz akkredıtteý agenttiktikteri iske asyratyn sapany baǵalaýdyń qatań ǵylymı tásildemesin tolyqtyrady. Osy sebepti joǵary oqý oryndaryn saralaý – bilim berý sapasyn qamtamasyz etý úderisi men ulttyq baǵalaý jumystary jalpy josparynyń ajyramas bóligine aınalyp otyr. Elimizde júrgiziletin reıtıng Qa­zaq­stan Respýblıkasynda bilim berýdi damytýdyń 2011-2020 jyldar­ǵa arnalǵan memlekettik baǵdarla­masyna sáıkes bilim berý sapasyn baǵalaýdyń ulttyq júıesiniń mańyz­dy elementteriniń biri. Nazarbaev Ýnı­versıtetinde ótken Joǵary bilim berý kóshbasshylarynyń «Tabysty ýnıversıtet: onyń qurylý joldary» III Eýrazııalyq forýmynda joǵary oqý oryndarynyń reıtıngisi týraly túrli pikirler aıtyldy. Bilim jáne ǵylym mınıstri Aslan Sárinjipov joǵary oqý oryndarynyń básekege qabilettiligin damytý men sapany joǵarylatýda reıtıngtiń oń rólin atap ótti. Bilim berý sapasyn qamtamasyz etýdiń táýelsiz Qazaqstan agenttigi (BSQA) jyl saıyn Qazaqstan joǵary oqý oryndarynyń jalpy reıtıngisin uıymdastyryp jarııalaıdy. Ol ulttyq reıtıng bolyp sanalady, sebebi, memlekettiń túkpir-túkpirinde ornalasqan JOO-nyń san qyrly qyzmetterin qamtıdy. Mine, osyǵan baılanysty Bilim berý sapasyn qamtama­syz etý jónindegi táýelsiz Qazaqstan agenttigi akademııalyq statıstıkalyq kórsetkishterdi taldaý, saraptamalyq baǵalaýlar, jumys berýshiler saýaldamasy negizinde qurylǵan Qazaqstannyń eń úzdik JOO-nyń 2014 jylǵy ulttyq reıtıngisin usynyp otyr. Ulttyq reıtıngtiń aýdıtorııasy san túrli, olar – talapkerler men olardyń ata-analary, jumys berýshiler, akademııalyq qoǵam jáne JOO basshylary, halyqaralyq uıymdar jáne memlekettik organdar. Degenmen, biz bul reıtıngterdiń nátıjesi qazaqstandyq talapkerlerge ártúrli JOO-nyń arasynda durys tańdaý jasaýǵa kómektesedi degen úmittemiz. Alǵashqyda qoǵamǵa málimet berý úshin qoldanylǵanmen, búginde JOO reıtıngteri olardyń sapasynyń kórsetkishi retinde de paıdalanyla alady. Reıtıngterdiń paıda bolýynyń tıimdi ekendigine mynalardy jatqyzýǵa bolady: JOO aldaryna óz qyzmetteriniń sapasyn árqashan jaqsartyp otyrý degen maqsat qoıýda, jumys berýshilermen tyǵyz birlesip áreket ete bastaýda, ózara talanttarǵa jáne resýrstarǵa básekelesýde. BSQA-nyń ulttyq reı­tıngisi qazaqstandyq JOO-nyń áralýan­dyǵyn eskere otyryp, bilim uıymdaryn burynǵydaı mynadaı baǵyttarǵa bóledi: kópbeıindi, teh­nıkalyq, gýmanıtarlyq-ekono­mıka­lyq, medısınalyq, peda­gogıkalyq jáne óner JOO-lar. Usynylyp otyrǵan reıtıng kópólshemdi reıtıng bolyp tabylady, sebebi, akademııalyq statıstıkalyq kórsetkishter professor-oqytýshy quramy jumysynyń sapasyn, stýdentter quramyn jáne olardyń oqý nátıjelerin, JOO-nyń ǵylymı-ınno­vasııalyq qyzmetin, halyqaralyq ynty­maqtastyǵyn jáne sonymen qatar, ınternette olar týraly aqparattyń mólsherin qamtıdy. 2014 jylǵy ulttyq reıtıngtiń ádistemesi 2013 jylmen salystyrǵanda, aıtarlyqtaı ózgeriske ushyramady. Jalpy, ádisteme úsh bólimnen tura­dy: 1-shi saýaldama – JOO-nyń akade­mııa­lyq resýrstarynyń sapasyn statıs­tıkalyq kórsetkishter negizinde baǵalaý. Bul jalpy kórsetkishtiń 60 %-yn quraıdy. 2-shi saýaldama – JOO-nyń qyzmetin akademııalyq qoǵamnyń saraptamalyq baǵalaýy. Bul 20 %-dy quraıdy. 3-shi saýaldama – jumys berýshiler men memlekettik organdarǵa áleýmettik saýaldama júrgizý. Bul taǵy da 20 % quraıdy. Jalpy alǵanda, ulttyq reıtıngtiń 2-shi jáne 3-shi saýal­damalary JOO bedelin kórsetetin bólimderi. Paıyzdyq ólshemderdiń ár statıstıkalyq ındıkatorlarǵa úlestirilýi BSQA-nyń ǵalamtordaǵy myna paraqshasynda egjeı-tegjeıli kórsetilgen: http://www.nkaoko.kz/rankings/rating-2014/. Ár saýaldama nátıjesi mólsherlenip, keıin jalpy sanyn shyǵarý arqyly ıntegraldy, sońǵy qosyndysy tabyldy. Osy qosyndy arqyly ár JOO-nyń toby úshin reıtıngidegi oryndary tabyldy, ıaǵnı jalpy reıtıngteri shyǵaryldy. Olar bas reıtıng dep atalady. Ulttyq reıtıngtiń ádistemesi halyqaralyq konferensııalarda, IREG observatorııasynyń forýmdarynda birneshe ret baıandaldy. Ol IREG observatorııasynyń halyq­aralyq sarapshylary daıyndaǵan Berlın qaǵıdattarynda engizilgen standarttarǵa sáıkes keledi (http://www.ireg-observatory.org/ saıtynda qarańyzdar) jáne kórsetkishterdiń ashyqtyǵyn, relevanttylyǵyn, senim­diligin qamtamasyz etedi. Osy oraıda, jaqyn arada Kanada sarapshylary ózderiniń kitaptarynda bizdiń reıtıngtiń ádistemesin jarııalaý­dy usynýy kezdeısoq emes. Aǵymdaǵy jyly agenttik óz tarapynan aqparatty jınaý, dáıekteý, óńdeý jáne túzetý boıynsha úlken jumys atqardy. Jumystyń mańyzdy bóligin aqparattardyń durystyǵyn tekserý boıynsha aýdıt qamtydy. Ol ýaqyt boıynsha da, jumsalǵan resýrstar boıynsha da kóp eńbekti qajet etti. Keıbir JOO-nyń birshama kórsetkishter boıynsha ózderi týraly málimetterdi ádeıi ne kezdeısoq burmalaıtyny eshkimge qupııa emes. О́te mańyzdy aıta keterlik jaıt, keıbir málimetterdi biz obektıvti úshinshi taraptardan alyp otyrdyq. Biz «Bolashaq» halyqaralyq baǵdarlamalar ortalyǵy» AQ prezıdenti Ǵ.Nyǵymetovke bolashaq stıpendıattary týraly derekter, Ulttyq testileý ortalyǵynyń dırektory Q.Ábdıevke oqý jetistikterin syrtqy baǵalaý týraly málimetter,  Bilim jáne ǵylym mınıstrligi Joǵary jáne joǵary oqý ornynan keıingi bilim departamentiniń JOO-ǵa qatysty «Jyldyń eń úzdik oqytýshysy» konkýrsy boıynsha aqparat bergenderi úshin alǵys bildiremiz. Qazirgi tańda, tek 1-shi – JOO-nyń akademııalyq resýrstaryn baǵalaıtyn saýaldama boıynsha biz alty ındıkator, otyz alty krıterıı paıdalanamyz. JOO akademııalyq qyzmetiniń reıtıngisi mynadaı ındıkatorlar boıynsha esepteldi: 1-ındıkator – stýdentter kontıngentiniń sapasy, 2-ındıkator – oqý nátıjesi jáne bilim berý baǵdarlamalarynyń sany, 3-ındıkator – akademııalyq kadrlardyń sapasy: professor-oqytýshy quramy, 4-ındıkator – ǵylymı-zertteý jáne ınnovasııalyq jumystar, 5-ındıkator - halyqaralyq yntymaqtastyq, 6-ındıkator – aqparattyq qamsyzdandyrý, ıaǵnı saıttyń talapkerlerge, oqytýshylarǵa jáne basqa da múddeli tulǵalar úshin qajetti aqparatpen toltyrylýy. 4-ındıkator boıynsha professor-oqytýshy quramnyń Web of Science (Thomson Reuters) jáne Scopus derekqorymen anyqtalatyn sheteldik reıtıngtik jýrnaldardaǵy jarııalanymdaryna erekshe nazar aýdarylady, sebebi, bul ǵylymı-zertteýler júrgizýdegi jalpy memlekettik saıasat bolyp sanalady. Upaılardyń ár krıterııge egjeı-tegjeıli úlestirilýi saıtta kórsetilgen: http://www.nkaoko.kz/rankings/ratings-2014. 6-ındıkator JOO-nyń saıtyna baılanysty olardyń aqparattyq qamtamasyz etilýin kórsetedi. Bul krıterııdiń ındıkatorlary saıttyń aqparatqa tolymdylyǵyn eskeredi, ınternet paraqtarynyń sany, qujat­tardyń sany, jańartylý jıiligi, saıtqa nusqaýlardyń sany jáne saıtqa kirip-shyǵýlardyń sany, saıttyń bezendirilýi men navıgasııanyń yńǵaılylyǵy, aqparattyń úsh tilde (qazaqsha, oryssha, aǵylshynsha) usynylýy qazaqstandyq JOO-nyń 70-ke jýyq ınternet-resýrsy saraptamalyq taldaýdan ótki­zildi. Eń úzdik bestikte L.N.Gýmılev atyn­daǵy EUÝ, Ál-Farabı atyndaǵy QazUÝ, S. Toraıǵyrov atyndaǵy PMÝ, Semeı qalasynyń Shákárim atynda­ǵy memlekettik ýnıversıteti, Qara­ǵan­dy memlekettik tehnıkalyq ýnıver­sıteti oryn aldy. Júktelgen qujat­tar sany boıynsha kóshti L.N.Gýmı­lev atyndaǵy EUÝ, Qaraǵandy memle­kettik medısınalyq ýnıversıteti, S.Toraıǵyrov atyndaǵy PMÝ bastady. Barlyq JOO saıttaryndaǵy qujattardy word, rar nemese pdf formattarynda júkteýge bolady. Bul qujattardy bir ret basyp júktep alǵanǵa óte yńǵaıly. Baspasóz betindegi eskerýlerdi eseptegende eń bedeldi elektrondy BAQ-tar eskerildi, olar: http://www.kazpravda.kz/;http://www.egemen.kz/; http://tengrinews.kz/; http://www.zakon.kz/; http://www.inform.kz/; http://www.newskaz.ru/; http://www.aikyn.kz/; http://www.zhasalash.kz/; http://www.liter.kz/; http://www.nur.kz/ Sonymen qosa, bul JOO-nyń ataýy onyń túlekteriniń joǵary laýazymdar­ǵa taǵaıyndalǵany týraly buqara­lyq aqparat quraldarynda kóp atalyp ótken. Joǵary laýazymǵa taǵaıyndalǵan tulǵalardy qozǵaǵanda, BAQ sol tul­ǵanyń qysqasha ómirbaıanyn berip, bilim deńgeıin de kórsetken. Reıtınginiń 2-shi jáne 3-shi bólim­derin baǵalaý sarapshylar men jumys berýshilerdiń kómegimen iske asyryldy. Sarapshylar retinde JOO rektorlary, prorektorlary, qurylymdyq bólimsheleriniń basshylary, kafedra meńgerýshileri men professorlar atsalysty. Jalpy, saýaldamaǵa byltyrǵydaı 400-den astam sarapshy qatysty. О́kinishke qaraı, bıyl JOO-ny ońtaılandyrýǵa baılanysty ózderi týraly derekter usynǵan JOO sany qysqardy. 2012 jyly statıstıkalyq derekterdi 89 JOO usynsa, 2013 jyly saýaldamany 70-ke jýyq JOO toltyrsa, 2014 jyly ulttyq reıtıngke elimizdiń 65 JOO qatysty. Jumys berýshilermen saýaldama ártúrli jolmen júrgizildi: poshtamen mınıstrlikterge, ákimdikterge, ulttyq kompanııalarǵa jiberý arqyly; shaǵyn jáne orta bıznes ókilderin jumys ornynda suraý arqyly jáne elektrondy túrde. Júrgizilgen jumystyń nátıjesinde bizge 1600-ge jýyq toltyrylǵyn saýaldama kelip tústi. Barlyq jumys berýshilerge saýaldamaǵa qatysqandary úshin alǵysymyzdy bildiremiz. Sonymen qatar Ishki ister mınıstrligi, Densaýlyq saqtaý mınıstrligi, Qorǵanys mınıstrligi, Eńbek jáne halyqty áleýmettik qorǵaý mınıstrligi, Qorshaǵan ortany qorǵaý mınıstrligi, Indýstrııa jáne jańa tehnologııalar mınıstrligi, Munaı jáne gaz mınıstrligi, Ádilet mınıstrligi, Statıstıka agenttigi, Sport jáne deneshynyqtyrý isteri agenttigi, Básekelestikti qorǵaý agenttigi, Joǵarǵy Sot, Ulttyq ǵarysh agenttigi, «Báıterek» BK» AQ, Astana qalasynyń, Aqmola, Aqtóbe, Almaty, Jambyl, Qostanaı, Pavlodar oblystarynyń ákimdikteri saýaldamaǵa belsendi qatysqandaryn atap aıtqan jón. JOO-ny baǵalaý jobasyna myna kompanııalar úlken qoldaý kórsetti: «QazMunaıGaz» ulttyq kompanııasy» AQ, «Qazgeologııa», «Qazaqjarylys ónerkásibi», «Qazmedıa», «Qazavtojol», «QazTransOıl», «Qazatomprom» ulttyq kompanııasy» AQ, «Qazaqstan temir joly» ulttyq kompanııasy» AQ, shaǵyn jáne orta bıznes ókilderi jáne eldiń barlyq aımaqtarynyń basqa da zańdy tulǵalary. Byltyrǵy jyldaǵydaı «Fak­tor» júıeli zertteýler kompanııa­sy baǵdarlamalyq jasaqtamaǵa túze­tý­ler engizip, jınalǵan derekterdi óńdedi. Qazaqstannyń eń úzdik JOO-nyń jalpy reıtıngisinde 52 JOO usyny­lyp otyr. Qalǵandary baldardyń maksımaldy sanynyń 30 paıyzyn jınaı almaǵandyqtan ulttyq reıtıngke enbedi. Ol JOO ár ındıkator jáne krıterıı boıynsha aqparat alady, sondyqtan qyzmetiniń qandaı jaqtaryn jaqsartý kerektigin keleshekte eskeretin bolady. Úsh saýaldamanyń árqaısysy boı­ynsha biriktirilgen nátıjeler Qazaq­stannyń eń úzdik joǵary oqý oryndary­nyń ulttyq ınstıtýttyq reıtıngisinde usynylady. Byltyr biz keıbir jekelegen maman­dyqtar toby boıynsha reıtıngter qurý jobasyn bastadyq. Bul reıtıngtiń nátıjeleri agenttiktiń saıtynda bir aptanyń ishinde kórsetiledi. 2014 jylǵy ulttyq reıtıngtiń qorytyndysy boıynsha kópsalaly joǵary oqý oryndary arasynda ótken jyldardaǵydaı Ál-Farabı atyndaǵy QazUÝ, L.N.Gýmılev atyndaǵy EUÝ, M.Áýezov atyndaǵy Ońtústik Qazaqstan memlekettik ýnıversıteti, E.A.Bóketov atyndaǵy Qaraǵandy memlekettik ýnıversıteti kósh bastady. Al, tehnıkalyq joǵary oqý oryndary arasynda ótken jyldardaǵydaı Qazaqstan-Brıtan tehnıkalyq ýnıversıteti, Q.Sátbaev atyndaǵy Qazaq ulttyq tehnıkalyq ýnıversıteti, Qazaq ulttyq agrarlyq ýnıversıteti, Qaraǵandy memleketik tehnıkalyq ýnıversıteti top jardy. Gýmanıtarlyq-ekonomıkalyq jo­ǵary oqý oryndary arasynda birneshe jyl qatarynan reıtıngtiń joǵary kórsetkishterin mynalar kórsetti: KIMEP, Qaztutynýodaǵynyń Qara­ǵan­dy ekonomıkalyq ýnıversıteti. Bıznestiń halyqaralyq akademııa­sy (jańa ataýy – Almaty menedjment ýnıversıteti) óz kórsetkishterin aıtarlyqtaı jaqsartyp úshtikke kirdi. Pedagogıkalyq joǵary oqý oryndary arasynda reıtıngtiń joǵary kórsetkishterine Abaı atyndaǵy Qazaq ulttyq pedagogıkalyq ýnıversıteti, Qazaq qyzdar memlekettik pedagogıkalyq ýnıversıteti, Pavlodar memlekettik pedagogıkalyq ýnıversıteti jetti. Medısınalyq joǵary oqý oryndary arasynda reıtıngtiń joǵary kórsetkishterin S.Asfendııarov atyn­daǵy Qazaq ulttyq medısınalyq ýnıver­sıteti, Qaraǵandy memlekettik medısı­nalyq ýnıversıteti, ǵylymı-zertteý jumysynyń nátıjesinde óziniń akade­mııalyq qyzmetiniń reıtıngisin joǵary­latqan Semeı qalasynyń memlekettik medısınalyq ýnıversıteti kórsetti. Eń úzdik JOO-nyń ulttyq reıtın­gisine ilikken jáne keleshekte iligetin barlyq JOO-larǵa jetistik tileımiz. Biz barlyq talapkerlerge, olardyń ata-analaryna tabysqa jetip, durys JOO tańdaýlaryna tilektespiz.

Anyqtama

Bilim berý sapasyn qamtamasyz etý jónindegi táýelsiz Qazaqstan agenttigi Brıýsselde tirkelgen, búginde álemniń 22 eliniń ókili kiretin IREG halyqaralyq observatorııasynyń teń quryltaıshysy bolyp tabylady, al BSQA prezıdenti Sh.Qalanova onyń atqarýshy komıtetiniń múshesi. Sońǵy halyqaralyq konferensııada (London, 2014 j.) Sh.Qalanova biraýyzdan observatorııanyń atqarýshy komıtetiniń múshesine qaıta saılandy. Bul – BSQA men onyń prezıdentiniń qyzmetin qurmetteý belgisi ekendigi sózsiz. Qazaqstannyń 2014 jylǵy eń úzdik   kópsalaly JOO ulttyq reıtıngisi № Kópsalaly JOO Qorytyndy nátıjeler, ólsh. % 1. Ál-Farabı atyndaǵy Qazaq ulttyq ýnıversıteti 98, 8 2. L.N.Gýmılev atyndaǵy Eýrazııa ulttyq ýnıversıteti 98, 5 3. M. Áýezov atyndaǵy Ońtústik Qazaqstan memlekettik ýnıversıteti 57,67 4. E.Bóketov atyndaǵy Qaraǵandy memlekettik ýnıversıteti 55,50 5. S.Toraıǵyrov atyndaǵy Pavlodar memlekettik ýnıversıteti 54,47 6. A.Baıtursynov atyndaǵy Qostanaı memlekettik ýnıversıteti 40,21 7. S.Amanjolov atyndaǵy Shyǵys Qazaqstan memlekettik ýnıversıteti 40,07 8. I. Jansúgirov atyndaǵy Jetisý memlekettik ýnıversıteti 38,18 Innovasııalyq Eýrazııa ýnıversıteti 38,16 10. M.H. Dýlatı atyndaǵy Taraz memlekettik ýnıversıteti 37,88 11. Q.A. Iаsaýı atyndaǵy Halyqaralyq qazaq-túrik ýnıversıteti 36,4 12. Qorqyt ata atyndaǵy Qyzylorda memlekettik ýnıversıteti 34,4 13. Sh.Ýálıhanov atyndaǵy Kókshetaý memlekettik ýnıversıteti 34,16 14. Semeı qalasy Shákárim atyndaǵy memlekettik ýnıversıteti 32,64 15. M. О́temisov atyndaǵy Batys Qazaqstan memlekettik ýnıversıteti 30,82 16. Halyqaralyq bilim berý korporasııasy 30,45 17. H. Dosmuhamedov atyndaǵy  Atyraý memlekettik ýnıversıteti 29,22 18. Sýleıman Demırel atyndaǵy ýnıversıtet 22,49 19. Sh. Esenov atyndaǵy Kaspıı memlekettik tehnologııalar jáneınjınırıng ýnıversıteti 20,68 20. Kaspıı qoǵamdyq ýnıversıteti 20,36  Qazaqstannyń 2014 jylǵy eń úzdik tehnıkalyq JOO ulttyq reıtıngisi № Tehnıkalyq JOO Qorytyndy nátıjeler, ólsh. % 1. Qazaqstan-Brıtan tehnıkalyq ýnıversıteti 87,1 2. Q.Sátbaev atyndaǵy Qazaq ulttyq tehnıkalyq ýnıversıteti 83,85 3. Qazaq ulttyq agrarlyq ýnıversıteti 68,74 4. Qaraǵandy memlekettik tehnıkalyq ýnıversıteti 64,17 5. Almaty energetıka jáne baılanys ýnıversıteti 49,17 6. Almaty tehnologııalyq ýnıversıteti 47,72 7. D.Serikbaev atyndaǵy Shyǵys Qazaqstan memlekettik  tehnıkalyq ýnıversıteti 45,76 8. Jáńgir han atyndaǵy Batys Qazaqstan agrarlyq - tehnıkalyq ýnıversıteti 41,76 9. M.Tynyshbaev atyndaǵy Qazaq kólik jáne kommýnıkasııalar akademııasy 40,18 10. Halyqaralyq aqparattyq tehnologııalar ýnıversıteti 34,44 11. Rýdnyı ındýstrııalyq ınstıtýty 29,87 12. Atyraý munaı jáne gaz ınstıtýty 26,11 13. Qazaq tehnologııa jáne bıznes ýnıversıteti 20,42  Qazaqstannyń 2014 jylǵy eń úzdik gýmanıtarlyq-ekonomıkalyq JOO ulttyq reıtıngisi № Gýmanıtarlyq-ekonomıkalyq JOO Qorytyndy nátıjeler, ólsh. % 1. Qazaqstan menedjment, ekonomıka jáne boljamdaý ınstıtýty (KIMEP) 96,70 2. Qaztutynýodaǵy Qaraǵandy ekonomıkalyqýnıversıteti 92,78 3. Halyqaralyq bıznes akademııasy (Almaty menedjment ýnıversıteti) 79,93 4. «Turan» ýnıversıteti 64,18 5. Qazaqstan-Amerıka erkin ýnıversıteti 49,72 6. «Turan-Astana» ýnıversıteti 49,54 7. Qaraǵandy «Bolashaq» ýnıversıteti 49,38 8. Qazaq gýmanıtarlyq-zań ınnovasııalyq ýnıversıteti (Semeı q.) 36,25  Qazaqstannyń 2014 jylǵy eń úzdik medısınalyq JOO ulttyq reıtıngisi № Medısınalyq JOO Qorytyndy nátıjeler, ólsh. % 1. S.Asfendııarov atyndaǵy Qazaq ulttyq medısınalyq ýnıversıteti 96,0 2. Qaraǵandy memlekettik medısınalyq ýnıversıteti 82,08 3. Semeı qalasynyń memlekettik medısınalyq ýnıversıteti 70,46 4. Ońtústik Qazaqstan memlekettik farmasevtıkalyq akademııasy 45,93 Qazaqstannyń 2014 jylǵy eń úzdik pedagogıkalyq JOO ulttyq reıtıngisi № Pedagogıkalyq JOO Qorytyndy nátıjeler, ólsh. % 1. Abaı atyndaǵy Qazaq ulttyq pedagogıkalyq ýnıversıteti 97,5 2. Qazaq memlekettik qyzdar pedagogıkalyq ýnıversıteti 55,54 3. Pavlodar memlekettik pedagogıkalyq ınstıtýty 55,06 4. Qostanaı memlekettik pedagogıkalyq ınstıtýty 35,94 5. Taraz memlekettik pedagogıkalyq ınstıtýty 33,04 6. Qazaq sport jáne týrızm akademııasy 29,41 7. Y.Altynsarın atyndaǵy Arqalyq memlekettik pedagogıkalyq ınstıtýty 25,84  Qazaqstannyń 2014 jylǵy eń úzdik óner JOO ulttyq reıtıngisi № О́ner JOO Qorytyndy nátıjeler, ólsh. % 1. Qazaq ulttyq óner ýnıversıteti 96,5 Sholpan QALANOVA, Bilim berý sapasyn qamtamasyz etý jónindegi táýelsiz Qazaqstan agenttiginiń prezıdenti, pedagogıka ǵylymdarynyń doktory, professor.