Bıyl jastar men jasóspirimder arasyndaǵy Azııa chempıonaty Qazaqstanda ótedi, dep habarlaıdy Egemen.kz Azııa boks konfederasııasynyń baspasóz qyzmetine silteme jasap.
Azııa chempıonaty araǵa jeti jyl salyp elimizde qaıta ótkeli jatyr. Aldyńǵy chempıonat 2016 jyly Pavlodar qalasynda bolǵan. Azııa boks konfederasııasy bıylǵy Azııa chempıonaty 14-30 shilde aralyǵynda Astana qalasynda ótetinin málimdedi.
«Jastar men jasóspirimder arasyndaǵy bokstan Azııa chempıonaty týraly barlyq aqparat, komanda delegasııasy tizimi, ótinim úlgisi men kestesi ulttyq federasııalar úshin jaqyn arada daıyn bolady. Jastar arasyndaǵy chempıonatqa 2005 jáne 2006 jyly týǵan boksshylar qatysady. Al 2007 jáne 2008 jyly dúnıege kelgen balalar jasóspirimder arasyndaǵy jarysta baq synaıdy», delingen ASBC habarlamasynda.