Májilis depýtaty Nurgúl Taý Premer-mınıstrge depýtattyq saýal joldap, qazir elektrondy temekige táýeldilerdiń qarasy progresıvti jyldamdyqpen artyp jatqanyn aıtty, dep habarlaıdy Egemen.kz.
Nurgúl Taý Respublica partııasyna mektep oqýshylary men jastar arasynda «veıp» atymen tanymal elektrondy temekilerdiń jappaı taralýyna jáne qoldanylýyna tyıym salý týraly kóp ótinish túskenin atap ótti. Bul rette depýtat Álıhan Smaıylovty osy kúrdeli máselege nazar aýdarýdy surady. Naqtyraq:
1. Depýtattyq saýalda qoıylǵan máselelerdi qaraýǵa jáne elimizde veıpter men onyń basqa túrlerin satýǵa tolyǵymen tyıym salý múmkindigin qarastyrýǵa;
2. Elektrondy temekilerdiń, onyń ishinde veıpterdiń jarnamasyna tyıym salýǵa jáne osyǵan baılanysty jaýapkershilikti kúsheıtýge;
3. QR Ulttyq ekonomıka mınıstriniń 2019 jylǵy 29 naýryzdaǵy №22 buıryǵyna «Temeki buıymdaryn, onyń ishinde qyzdyrylatyn temekisi bar buıymdardy, kalıanǵa arnalǵan temekini, kalıan qospasyn, temekini jylytýǵa arnalǵan júıelerdi, elektrondy tutyný júıelerin jáne olar úshin suıyqtardy ornalastyrýǵa jáne ashyq kórsetýge tyıym salýdyń saqtalýyn tekserý týraly» tarmaq qosý bóliginde tolyqtyrý engizýge usynys berdi.О́tinish bildirgen ata-analar quramynda nıkotıni bar devaıstardyń taralýyna jáne satylýyna túbegeıli qarsylyq bildirgen. Qazir álemniń 32 elinde veıpterdi satýǵa tyıym salynǵan. Olardyń qatarynda Danııa, Norvegııa, Ýrýgvaı, Argentına, Panama, Brazılııa, Meksıka, Kanada, Taıland, Úndistan, Gonkong, Sıngapýr, Malaızııa, Fılıppın, Lıvan, Qatar jáne taǵy basqa elder bar.