Búgin, 10 mamyrda Qazaqstan quramasynyń jeti boksshysy О́zbekstan astanasy Tashkentte ótip jatqan 2023 jylǵy álem chempıonatynyń 1/4 fınalynda baq synaıdy, dep habarlaıdy Egemen.kz.
Astana ýaqytymen 15:00-de bastalatyn kúndizgi sessııada Serik Temirjanov (57 kelige deıin) kýbalyq Saıdel Ortamen (3-jup, A rınginde), Aslanbek Shymbergenov (71 kelige deıin) fransýz Makan Traoremen (8-jup, A rıng) kezdesedi. Al Nurbek Oralbaı (80 kelige deıin) ıordanııalyq Hýseın Eıshaısh Ishaıshpen (10-jup, V rıng) judyryqtasady.
Saǵat 19:00-de bastalatyn keshki sessııada Sanjar Táshkenbaı (48 kelige deıin) japondyq Kazýma Aratakemen (1-jup, V rınginde), Mahmýd Sabyrhan (54 kelige deıin) ganalyq Mohammed Amadýmen (3-jup, A rınginde) kezdesedi. Dýlat Bekbaýov (67-ge deıin) meksıkalyq Mıgel Anhel Martınespen (8-jup, A rınginde), al Qamshybek Qońqabaev (92-den joǵary) ózbek sportshysy Bahodır Jalolovpen (14-jup, V rınginde) judyryqtasady.
Aıta ketsek, otandyq jankúıerler jekpe-jekterdiń tikeleı kórsetilimin Qazaqstan jáne Qazsport telearnalary arqyly kóre alady.
Eske salaıyq, Qazaqstannyń alty boksshysy jekpe-jekten shyǵyp qaldy, olar: Sáken Bıbosynov (51-ge deıin), Talǵat Syrymbetov (60-qa deıin), Sanatáli Tóltaev (63,5-ke deıin), Nurqanat Raıys (75-ke deıin), Saǵyndyq Toǵambaı (deıin). 86) jáne Aıbek Oralbaı (92-ge deıin).