Qazaqstan Respýblıkasynyń Mysyr Arab Respýblıkasyndaǵy elshisi jáne Marokko Koroldiginde elshi qyzmetin qosa atqarýshy B.Aryn bastaǵan qazaqstandyq delegasııa Marokko Koroldiginiń astanasy – Rabat qalasynda ótken Bilim, ǵylym jáne mádenıet isteri jónindegi ıslam uıymy (ISESKO) Atqarýshy keńesiniń 35-shi sessııasyna qatysty.
Sessııa kezinde ISESKO Bas dırektory Ábdel Ázız At-Týeıdjrıdiń 2013 jyly Uıymnyń atqarǵan jumysyna, onyń bıýdjetiniń oryndalý barysyna qatysty baıandamasy tyńdaldy, sondaı-aq, Uıymnyń 2016-2018 jyldarǵa arnalǵan «Is-qımyl josparynyń» negizgi baǵyttary qarastyryldy.
Atalmysh shara qarsańynda B.Aryn ISESKO Atqarýshy keńesiniń múshesi retinde Rabat qalasynda «Ońtústik-Ońtústik baǵyty tek strategııa emes, ol – qajettilik» aıdarymen ótken Kran-Montana forýmynyń 25-shi sessııasynyń jabylý saltanatyna qatysyp, sóz sóıledi.
О́z kezeginde, ISESKO Bas dırektory Á.At-Týeıdjrı kópultty jáne kópkonfessııaly Qazaqstan azamattaryn zamanaýı damyǵan memleket qurý ıdeıasy tóńireginde biriktire alǵan Qazaqstan Prezıdenti N.Á.Nazarbaevtyń óz halqynyń naǵyz kóshbasshysy bolyp tabylatynyn atap ótti. Onyń sózi boıynsha, keıbir elderde qandy qaqtyǵystardyń oryn alýynyń basty sebebi olardyń basshylarynyń jeke dinı jáne etnostyq toptarǵa súıenish artýy.
Marokkoǵa jumys sapary sheńberinde B.Aryn ISESKO Bas dırektory Á.At-Týeıdjrımen jáne Koroldik Parlamenti palatalarynyń tóraǵalarymen ekijaqty kezdesýler ótkizdi.
Á.At-Týeıdjrımen ISESKO-nyń Almaty qalasynda óńirlik ókildigin ashý, qazaqstandyq dıplomattardy uıymnyń hatshylyǵyna jumysqa tartý, sondaı-aq, «Almaty – Islam mádenıetiniń astanasy» jyly aıasynda 2015 jyly birlesip ótkiziletin sharalarǵa daıyndyq barysy jóninde máseleler qarastyryldy, dep habarlady Qazaqstannyń Egıpettegi elshiligi.