Túrkııanyń Antalııa qalasynda 40-shy Balqan matematıkalyq olımpıadasy aıaqtaldy. Oǵan Balqan túbeginiń 22 elinen jáne basqa da memleketterden 130-dan astam oqýshy qatysty, dep habarlaıdy Egemen.kz QR Oqý-aǵartý mınıstrliginiń baspasóz qyzmetine silteme jasap.
Olımpıada qorytyndysy boıynsha Qazaqstan namysyn qorǵaǵan 6 oqýshy medalǵa ıe boldy.
Olar:
Baıshýaq Raıymbek – Almaty q. Respýblıkalyq fızıka-matematıkalyq mektebiniń 11 synyp oqýshysy; Mıron Iýrkevıch - Almaty q. Respýblıkalyq fızıka-matematıkalyq mektebiniń 10 synyp oqýshysy; Jan Dáýitov – Qostanaı oblysy «Bilim-ınnovasııa» mektep-lıseıiniń 10 synyp oqýshysy; Marǵulan Sharel – Jambyl oblystyq daryndy er balalarǵa arnalǵan mamandandyrylǵan «Bilim-Innovasııa» lıseıiniń 10 synyp oqýshysy; Muhammed Naǵashybek – Astana q. «NURORDA» mektep-lıseıiniń 11 synyp oqýshysy; Vladımır Rogovskıı – Pavlodar qalasynyń daryndy balalarǵa arnalǵan №8 mektep-lıseıiniń 10 synyp oqýshysy.Aıta keteıik, 40-shy Balqan matematıkalyq olımpıadasynyń maqsaty – matematıka páninen daryndy oqýshylardy yntalandyrý jáne damytý, qatysýshy elder arasynda mektep baǵdarlamalary men tájirıbeleri týraly aqparat almasý úshin yńǵaıly múmkindikter jasaý.