Tashkentte ótken bokstan álem chempıonatynda jeńipmaz atanǵan Mahmud Sabyrhanǵa 2 bólmeli páter syıǵa berildi, dep habarlaıdy Egemen.kz.
Shymkent qalasynyń ákimi Murat Áıtenov bokstan álem chempıonatynyń jeńimpazy Mahmud Sabyrhan men onyń jeke jattyqtyrýshysy Ilııas Oralbekovty quttyqtady.
Eske sala ketsek, Tashkentte ótken chempıonatta Ulttyq qurama sportshylary 4 altyn, 1 kúmis medal enshiledi. 54 kelige deıingi salmaq dárejesinde synǵa túsken shymkenttik boksshy M.Sabyrhan qurama qorjynyna ekinshi «altyndy» saldy. Kýba, Gana, Úndistan men Majarstan sportshylaryn aıqyn basymdylyqpen jeńse, aqtyq básekede ózbekstandyq Aıbek Djýraevty eki márte nokdaýnǵa jibergen edi.
Murat Áıtenov sportshy men onyń jeke jattyqtyrýshysyn quttyqtap, aldaǵy Azııa jáne Olımpıada oıyndarynda sáttilik tiledi. Kezdesý barysynda Mahmud Sabyrhanǵa 2 bólmeli páterdiń kilti, al onyń bapkerine 5 mln teńgeniń sertıfıkaty tabystaldy.