Almatydaǵy fızıka-matematıka baǵytyndaǵy Nazarbaev zııatkerlik mektebiniń oqýshysy Saǵyn Jumadildaev AQSh-tyń Dallas qalasynda ótken álemdegi eń bedeldi ǵylymı jobalar baıqaýy «International Science and Engineering Fair»-dan II oryn júldesimen oraldy.
Ol «Matematıka» seksııasy boıynsha «L-tromıno-plıtkalary» jobasyn usynyp, 1 myń dollar kóleminde syıaqy enshiledi.
– Bir jyl buryn olımpıadada L-tromıno fıgýrasynyń kómegimen plıtkalardy janastyrý boıynsha tapsyrma oryndadym. Osy taqyrypqa qyzyǵýshylyq týyndap, ony joba retinde jasaýdy qolǵa aldym. Áli dáleldenbegen teoremalar bar, sony sheshý arqyly kelesi jyly da ISEF-ke qatysý josparda tur, – deıdi jas matematık.
Eske sala keteıik, Saǵyn – ataqty matematık Asqar Jumadildaevtyń uly.
Sonymen qatar baıqaýǵa Kókshetaýdaǵy zııatkerlik mekteptiń oqýshysy Asylhan Qalı de qatysyp, «Aq Zhol» jobasyn tanystyrdy. Bul – júrgizýshiniń hali men minez-qulqyn baqylaýǵa múmkindik beretin beınetirkegish. Ol jol-kólik oqıǵalarynynyń sanyn azaıtýǵa baǵyttalǵan.
– Qazaqstannyń týyn álemdik arenada kóterip, elimizdiń atynan óner kórsetý – biz úshin úlken mártebe. Bolashaqta odan da jaqsy nátıje kórsetýge bar kúsh-jigerimizdi salamyz, – dep Asylhan óz áserimen bólisti.
International Science and Engineering Fair – 13 pen 18 jas aralyǵyndaǵy jasóspirimderge arnalǵan STEM jobalardyń dúnıejúzilik baıqaýy. Halyqaralyq is-shara jyl saıyn uıymdastyrylady ári álemniń 100 elinen kelgen 2 myń oqýshynyń arasynan úzdikterdi anyqtaıdy.