Qoldanystaǵy zańnamaǵa sáıkes, Qazaqstanda erler 63 jasynda, al áıelder 2028 jylǵa deıin 61 jasynda zeınetke shyǵady, dep habarlaıdy Egemen.kz.
QR zańyna sáıkes tómendegi sanatqa kiretin azamattardyń zeınetke erte shyǵý quqyǵy bar:
5 jáne odan kóp bala týǵan (asyrap alǵan) jáne olardy 8 jasqa deıin tárbıelegen áıelder; Semeı ıadrolyq synaq polıgonynyń tótenshe jáne radıasııa qaýpi eń joǵary aımaqtarynda 1949 jylǵy 29 tamyzdan 1963 jylǵy 5 shilde aralyǵyndaǵy kezeńde keminde 5 jyl turǵan áıelder.Sondaı-aq Egov usynǵan málimetterge sáıkes,16 jasqa deıingi múgedek balany baǵyp-kútken ýaqyt, bógdeniń kómegine muqtaj birinshi toptaǵy múgedekke, ekinshi toptaǵy jalǵyzbasty múgedekke jáne jasyna baılanysty zeınetkerge, sondaı-aq 80 jasqa tolǵan qartqa kútim jasaǵan ýaqyt, áskerı qyzmetshiler (merzimdi qyzmettegi áskerı qyzmetshilerden basqa), arnaýly memlekettik organdar qyzmetkerleri jubaılarynyń mamandyǵy boıynsha jumysqa ornalasý múmkindigi bolmaǵan jerlerde jubaılarymen birge turǵan kezeńderi, burynǵy keńestik mekemelerdiń, Qazaqstan Respýblıkasy mekemeleri men halyqaralyq uıymdardyń qyzmetkerleri zaıybynyń (jubaıynyń) shetelde turǵan, biraq jalpy jıyntyǵy 10 jyldan aspaıtyn kezeńi jáne basqalar sııaqty jekelegen áleýmettik mańyzy bar kezeńderdi zeınetaqy júıesine qatysý ótilin esepteý kózdelgen.
Sondaı-aq saqtandyrý kompanııasymen kelisimshart jasap, zeınetaqy annýıtetin rásimdeý arqyly zeınetke 8 jylǵa erte shyǵýǵa bolady. Ol úshin zeınetaqy shotynda er adamdarda 8 mln teńge, áıelderde 10,5 mln teńge jetkilikti bolýy shart.
Annýıtetin rásimdegen kezde zeınetaqy ómir boıyna beriledi jáne kepildik kezeńin alsa, qaıtys bolǵan jaǵdaıda da zeınetaqy týǵan-týystaryna tólene beredi, ıaǵnı muragerine ótedi. Eger annýıtetin rásimdeýge qarjy jetpeı qalsa, birlesken annýıtet alýǵa bolady. Erli-zaıypty jandar shottaǵy qarjysyn biriktire alady.
Sonymen qatar, múgedektigi bar jandarǵa zeınetaqy annýıtetine jeńildik qarastyrylǵan.
1-toptaǵy múgedektik úshin 2,4 mln teńgege; 2-toptaǵy múgedektik úshin 3,4 mln teńgege; 3-toptaǵy múgedektik úshin 4,4 mln teńgege; zııandy jáne qaýipti jumysta isteıtinder úshin baǵa 5,3 mln teńgege deıin tómendedi.