Spartakıada alaýy tutandy

Ortalyq stadıonda ótken aýqym­dy is-sharada tarıhı shahar­dyń ótkeninen syr shertken «Kóne Taraz» beınerolıgi men «Babalar rýhy» qoıylymy jı­nalǵan jurtshylyqtyń nazaryna usy­­nyldy. Keıinnen ortaǵa spar­takıa­danyń týy shyǵaryldy.

Spartakıadanyń ashylý saltanatynda sóz alǵan Mádenıet jáne sport mınıstri Ashat Oralov tórt jylda bir ótetin dýy basym do­danyń mańyzy zor ekenin atap ótti.

«Altynshy ret uıymdas­tyrylyp otyrǵan dodaǵa elimizdiń barlyq óńi­rinen 1 myńnan asa sportshy qatysyp otyr. Spar­takıadanyń negizgi maq­saty – jaz­ǵy sport túrleri boıynsha ult­tyq qurama komandalaryna eń myqty sportshylardy jasaq­taý jáne halyqaralyq resmı ja­rys­tarǵa, onyń ishinde Parıjde óte­tin jazǵy Olım­pıada oıyndaryna lısenzııalyq jarystarǵa qatysýǵa úmitkerlerdi anyqtaý. О́zderińiz bilesizder, elimizde jas­tardyń sportpen jáne dene shy­nyqtyrýmen aınalysýy úshin barlyq jaǵdaı jasalyp, Pre­zıdenttiń tikeleı tapsyrmalary­men qoldaý taýyp otyr. Sonyń nátıjesinde el sportshylary halyq­aralyq dúbirli dodalarda top jaryp, ult abyroıyn asqaqtatyp júr. Olar óskeleń urpaqqa úlgi-ónege bolyp, jastar­dy jarqyn jeńisterge jetel­eıdi. Osy múmkindikti paıdalana otyryp, spartakıadanyń uıym­dastyrylýyna erekshe qoldaý bildirgen Jambyl oblysynyń ákim­digine zor alǵysymdy bildi­remin», dedi mınıstr óz sózinde.

Keıinnen ol bokstan Tash­kent qa­la­synda ótken álem chempıonatynda jeńiske jetken sport­shylardyń jeke jat­­tyqty­rýshylaryna Prezıtent Qasym-Jomart Toqaevtyń Qurmet gra­mo­­ta­syn tabystady.

О́z kezeginde óńir basshysy Nurjan Nurjigitov aıtýly do­danyń kıeli Taraz topyraǵynda ótki­zilýi zor mártebe eke­nin jet­kizdi.

«Sport – densaýlyq kepili, dostyqtyń berik tutqasy. Deni saý jastar – egemen elimizdiń erteńi. О́ńirimizde kóptegen aýqym­dy sporttyq is-sharalar uıym­das­tyrylýda. Dástúrli sparta­kıadanyń bas­ty maqsaty – bu­qaralyq sportty damytý, salamat­ty ómir saltyn qalyptastyrý, dene shynyqtyrý men sportty na­sı­hattaý. Spartakıadanyń ashylý salta­natynyń kıeli Jam­byl jerinde ótýi biz úshin zor maq­tanysh, mereıli mártebe. Taraz topyraǵy talaı talantty sport­shylardyń baǵyn ashqan kıeli jer ekeni álimsaqtan aıan. Olımpıada oıyndarynda atoı salǵan saıypqyrandarymyzdyń jeńisti jolyn jastarǵa ylǵı da úlgi etip aıtyp júremiz», dedi N.Nur­jigitov spar­takıadaǵa qaty­sýshylarǵa sáttilik tilep.

Budan soń spartakıadanyń alaýy jaǵylyp, tóreshi, sportshy, jat­tyq­tyrýshylardyń ant berý rásimi uıymdastyryldy. Spartakıadanyń ashylý saltanaty estrada juldyzda­rynyń jáne jergilikti ónerpazdardyń qa­tysýymen konserttik baǵdar­la­maǵa jáne merekelik otshashýǵa ulasty.

Jambyl oblysy