Jaz mezgili bastalǵaly beri Qazaqstannyń basym bóliginde aptap ystyq ornady. «Qazgıdromet» RMK sınoptıkteriniń aıtýynsha, mamyr aıynan bastap birqatar óńirde aýa temperatýrasyna baılanysty jańa rekord tirkelgen, dep habarlaıdy Egemen.kz.
Sınoptıkterdiń málimetinshe, mamyr aıynyń basynda elimizdiń soltústik, ortalyq, shyǵys jáne ońtústik aımaqtaryna aýa temperatýrasynyń tómendeýi men úsikke alyp kelgen Shyǵys Sibir aýdanynan salqyn aýa massalary jetti.
Mundaǵy rekordtar:
2 mamyrda túnde Aqtoǵaı meteostansııasynda (Qaraǵandy oblysy) aýanyń eń tómengi temperatýrasy -6,8°S boldy, osylaısha 1969 jylǵy rekord (-5,0°S) jańartyldy; 3 mamyrda dál osy meteostansııada termometr baǵany -7,8°S belgisine jetti, sońǵy ret sol kúni absolıýtti mınımým 2002 jyly -3,7°S boldy; Shyǵys Qazaqstan oblysynyń Rıdder meteostansııasynda aýa temperatýrasynyń rekordtyq kórsetkishi -5,2°S belgisine jetti, bul 1985 jylǵy rekordty (-4,5°S) jańartty; 4 mamyrda Qaraǵandy oblysynyń Aqtoǵaı meteostansııasynda aýanyń eń tómengi temperatýrasy -8°S boldy, osylaısha 1997 jylǵy aýa temperatýrasy -5,1°S bolǵan kezdegi rekordtan asty; 5 mamyrda Jambyl oblysy Taraz meteostansııasynda termometr baǵany -1,1°S belgisine jetti, sońǵy ret sol kúni absolıýtti mınımým 1998 jyly +0,5°S qurady.Odan bólek respýblıkanyń ońtústik-shyǵysynda kúshti jelge baılanysty aldyn ala eskertý jarııalanǵan edi. Máselen, Dostyq avtomatty meteorologııalyq stansııasynda 1 mamyrda daýyldy jel (ekpini 42 m/s), 2 mamyr kúni óte kúshti jel (ekpini 33 m/s), 3 mamyr kúni – ekpini 31 m/s bolatyn jel soqty.
Temperatýralyq rekordtardan basqa mamyr aıynda jaýyn-shashynnan da birqatar rekord tirkelgen.
16 mamyrda Qyzylorda oblysynyń Qazaly meteostansııasynda bir aılyq normasy 14 mm bolǵan jaǵdaıda 17 mm jaýyn-shashyn jaýdy; 17 mamyrda Túrkistan oblysynyń Tasty meteostansııasynda 18 mm jaýyn-shashyn jaýdy (bir aılyq normasy - 17 mm); 22 mamyrda Jetisý oblysynyń Jalańashkól meteostansııasynda bir aılyq norma 8 mm bolǵan jaǵdaıda bir táýlikte 10 mm jaýyn-shashyn jaýǵan.