Memleket basshysy Sitigroup kompanııasynyń Eýropa, Taıaý Shyǵys jáne Afrıka boıynsha bas atqarýshy dırektory Devıd Lıvıngstondy qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda halyqaralyq qarjy ınstıtýtynyń elimizdegi qyzmetiniń perspektıvalary talqylandy.
Prezıdent elimizdiń qarjy sektoryndaǵy sıfrlyq transformasııany damytý isindegi kompanııa basshysynyń kúsh-jigerin joǵary baǵalady.
Devıd Lıvıngston Memleket basshysyna byltyr Sitibank Kazakhstan Astana halyqaralyq bırjasynyń Qundy qaǵazdar ortalyq depozıtarııine (AIX CSD) múshe bolǵanyn jetkizdi.
Onyń aıtýynsha, bul halyqaralyq ınstıtýttyq ınvestorlarǵa óz aktıvterin AIX depozıtarııinde saqtaýǵa múmkindik beredi.