Tótenshe jaǵdaılar mınıstrligine qarasty О́rtke qarsy qyzmet komıtetiniń tóraǵasy Nurbolat Derbisov Abaı oblysyndaǵy órtti sóndirý barysy týraly aqparat usyndy, dep habarlaıdy Egemen.kz.
Nurbolat Derbisov usynǵan málimetke súıensek, tikushaqpen barlaý jumystarynyń nátıjesinde jaǵdaı birshama turaqtalǵan. Alaıda taǵy eki eldi mekende órttiń ystyq núkteleri anyqtaldy.
«Bul boıynsha jeke quram, barlyq tehnıka jumyldyryldy. Tikushaqpen sý tógý jumystary júıeli túrde júrgizilip jatyr. Qazirgi ýaqytta jel burynǵydan da kúsheıip jatyr. Jaı janyp jatqan ottyń qaıta kúsheıip ketý qaýpi bar. Sondyqtan búkil kúsh-quraldardy áli de jumyldyramyz. Barlyǵy baqylaýda», dedi ol.
Esterińizge sala keteıik, alapat órt saldarynan orman sharýashylyǵynyń 14 qyzmetkeri kóz jumǵan.
Sonymen qatar 60 myń gektarǵa jýyq orman alqaby órtke oranǵan. О́rt sóndirýge 300-ge jýyq tehnıka, 1500-ge jýyq adam jáne 11 tikushaq jumyldyryldy.