Astanadaǵy Qazaqstan-Aýǵan iskerlik forýmy aıasynda jalpy somasy 190,8 mln dollarǵa jýyq eksporttyq kelisimsharttarǵa qol qoıyldy. Bul týraly QR Saýda jáne ıntegrasııa mınıstrliginiń baspasóz qyzmeti málimdedi, dep habarlaıdy Egemen.kz.
Vedomstvonyń aqparatynsha, aýyl sharýashylyǵy ónimderin, un men ósimdik maıyn jetkizýge barlyǵy 15 shart, sondaı-aq Maıly daqyldardy qaıta óńdeýshilerdiń ulttyq qaýymdastyǵy (Qazaqstan) men Maı dılerleriniń Balh odaǵy (Aýǵanstan) arasynda yntymaqtastyq týraly memorandým jasalyndy.
Qazaqstandyq ósimdik maıynyń eń iri bes ımporttaýshylarynyń biri Aýǵanstan, bul forým alańynda qol jetkizilgen ýaǵdalastyqtardy rastady. Qol qoıylǵan kelisimsharttardyń jalpy sanynyń 9-y maı jetkizýdiń úlesine tıesili.