BAÁ astanasy Abý-Dabı qalasynda 12-17 jas aralyǵyndaǵy jacóspirimder arasynda aralas jekpe-jekten ótip jatqan álem chempıonatynda elimizdiń eki sportshysy top jardy, dep habarlaıdy Egemen.kz.
46 elden 653 sportshy qatysyp jatqan álemdik aýqymdy qamtyǵan dúbirli dodada elimizdiń qorjynyna bir altyn, bir qola júlde tústi.
Fınalda lıvandyq sportshy Omar Antardy jeńgen 40 kelige deıingi salmaqtaǵy mańǵystaýlyq Erkebulan Imanǵalı álem chempıony atandy.
Al jartylaı fınalǵa shyqqan túrkistandyq Orynbasar Perdebek 44 kelige deıingi salmaq dárejesinde qola júldeger atandy.
Atalmysh álem chempıonatynda elimizdiń namysyn 14-15 jáne 16-17 jas aralyǵyndaǵy jasóspirimder quramasynyń 35 múshesi qorǵap jatyr.