Qazaqstannyń Halyq ártisi Bıken Rımovanyń 100 jyldyǵyna arnalǵan «BIKEN» I Halyqaralyq teatr festıvali 29 qyrkúıek – 4 qazan aralyǵynda TÚRKSOI uıymynyń aıasynda ótedi. Is-sharaǵa Jetisý oblysy ákimdigi qoldaý kórsetpek.
Festıvaldyń maqsaty – sahna sańlaǵynyń 100 jyldyǵyn merekeleý, onyń esimin ulyqtaý, sonymen qatar rejısserler men akterler arasynan kásibı qoltańbasy qalyptasqan úzdik sahnagerlerdi anyqtaý. Festıvalge elimizden Ǵ.Músirepov atyndaǵy Qazaq memlekettik akademııalyq balalar men jasóspirimder teatry, N.Jantórın atyndaǵy Mańǵystaý oblystyq mýzykalyq drama teatry, J.Aımaýytov atyndaǵy Pavlodar oblystyq qazaq mýzyka-drama teatry, S.Seıfýllın atyndaǵy Qaraǵandy oblystyq akademııalyq drama teatry, Almaty qalalyq Mádenıet basqarmasynyń «Jańa ǵasyr» teatry, Astana qalalyq «Mýzykalyq jas kórermen teatry» jáne shetelden Túrkııa, Ázerbaıjan, Túrkimenstan, О́zbekstan, Qyrǵyzstan memleketteriniń teatrlary qatysady.
Festıval aıasynda B.Rımovanyń bıýsti saltanatty túrde ashylady. Sonymen qatar M.Áýezov atyndaǵy Qazaq ulttyq drama teatry festıvaldyń shymyldyǵyn Bıken Rımova basty róldi somdaǵan «Eńlik-Kebek» qoıylymymen ashpaq.
Teatr festıvali halyqaralyq deńgeıde ótkiziletin bolǵandyqtan, qazylar alqasynyń músheleri Qazaqstanmen qosa, Ázerbaıjan, Bashqurtstan elderinen tańdalǵan. Qazylar alqasynyń tóraǵasy – Qazaqstannyń Eńbek sińirgen qaıratkeri, M.Áýezov atyndaǵy Qazaq ulttyq drama teatrynyń dırektory Erkin Jýasbek.