«Uly dala joryǵy» marafon-báıgesine qatysýshy komandalardyń shabandozdary búgin tórtinshi kezeńge attandy, dep habarlaıdy Egemen.kz.
Tórtinshi kezeńge tańǵy saǵat 7:00-de attanǵan shabandozdar Úshsart aýylynan Taldysaıǵa deıingi 100 shaqyrymǵa attaryn synaıdy. Aldyńǵy úsh kezeńde 250 shaqyrym jol artta qaldy. Úshinshi kezeńde Jambyl oblysynyń komandasy kómbege aldymen jetti, Mańǵystaý oblysynyń shabandozdary ekinshi, Jetisý oblysynyń komandasy úshinshi keldi.
Ekinshi kezeńde Soltústik Qazaqstan oblysynyń koomandasy jarystan shyqsa, úshinshi kezeńde Batys Qazaqstan oblysynyń shabandozdary da báıgeni osy tustan aıaqtady. Marafon-báıgeniń bas tóreshisi Nadejda Kýpsova batysqazaqstandyqtardyń attary tym jas bolǵanyn, alys jolǵa baq synaıtyn báıgege jaratpaı ákep qosqandyqtan boldyryp qalǵanyn aıtty.