Qurlyqtyq hokkeı lıgasynda (QHL) baq synap júrgen Astananyń «Barysy» turaqty birinshilik bastalǵaly beri jeńilisten bir bas kótermeı, óz jankúıerlerin ábden mezi etti.
Aldynda ǵana jerlesterimiz Novosibirge sapar shegip, jergilikti «Sıbırge» ese jibergen edi. Bir aıta keterligi, úsh kezeń boıy qos komanda bir-biriniń osal tusyn taba almady. Jeńimpaz tek qosymsha ýaqytta anyqtaldy. Odan keıin Ombyǵa attandy. «Avangardqa» qarsy matchta «Barys» jarty saǵattan asa ýaqyt boıy aıdyn ıeleriniń ekpindi shabýylyna tótep berdi. Sol aralyqta ózderi esep ashyp ta úlgerdi. 22 mınýtta Nelson Noje nysanany dál kózdedi. Úzilisten soń ombylyqtar tarazy basyn teńestirdi. Úshinshi kezeńde «Barystyń» «benzıni» bitti. Sońǵy 10 mınýtta «Avangardtyń» hokkeıshileri qatarynan úsh márte mergendik tanytty. Bul goldardyń avtorlary – Lıbor Shýlak, Vladımır Tkachev jáne Raıan Spýner. Al qonaqtardyń eń bolmaǵanda bir shaıbamen jaýap qaıyrýǵa qaýqary jetpedi – 4:1.
Sóıtip, elordalyq klýb qatarynan tórtinshi oıynda utyldy.