Jol sapasyn tekseretin zerthana

«Ulttyq sapa ortalyǵynyń negizgi maqsaty – elimizdegi av­to­mobıl joldaryn salý, qaı­ta jańǵyrtý, jóndeý, kútip us­taý kezindegi jumystarǵa, qu­­rylys­qa paıdalanylatyn ma­terıaldardyń sapasyna sarap­tama júrgizý, dıagnostıka­laý jáne aspaptyq tekserýden ót­ki­zý, halyqaralyq jáne res­pýb­lıkalyq mańyzy bar av­to­mo­bıl joldaryndaǵy ınfra­qurylym qaýipsizdigine mo­nı­torıng jasaý. Al jergilikti fı­­lıaldar jyljymaly zerthanasy bar avtokólikpen qurylys jumystary aıaqtalǵan jol telimderiniń, jalpy paı­dalanýdaǵy avtomobıl jol­dary­nyń sapasyn tekseredi», deıdi «Jol aktıvteriniń sapasy ult­tyq ortalyǵy» RMK Bas dırektory Zamır Saǵynov.

Atyraý oblystyq fılıaly bıyl 79 joldy baqylaýǵa alǵan. Tórt jyldan beri mamandar 341 nysanǵa 3 612 ret tekserý júrgizipti. Tekserý kezinde 1 038 aqaý anyqtalǵan. Onyń ishin­­de 247 óreskel aqaý bar. Jol qu­rylysyna paıdalanyla­tyn ma­terıaldardan 5 903 sy­na­ma alynyp, zerthanada tek­se­ril­di. Sonyń nátıjesinde 900 sy­na­manyń elimizdiń jol sa­lasyndaǵy standarttaryna sáı­kes bolmaı shyqqan.

Jergilikti fılıal maman­dary­nyń anyqtaǵan aqaýǵa baıla­nysty joldyń 90 263 shar­shy metr kedir-budyrly beti óńdelgen. Sondaı-aq 14 584 shar­shy metr asfaltbeton ja­mylǵysy, 5 896 sharshy metr jol negizi, 631 tekshe metr te­mirbeton, 775 kópir qaıta salyn­ǵan. Merdiger kompanııalar óz esebinen 357 mln teńgeniń ju­my­syn qaıta jasaýǵa májbúr bolǵan.

Máselen, «Jol aktıvteri sa­pasynyń ulttyq ortalyǵy» RMK Atyraý oblystyq fılıaly­nyń bólim basshysy Nurlan Jan­týrınniń aıtýynsha, bıylǵy sáýir­de «Aqtóbe-Atyraý-RF shekarasy» baǵytyndaǵy joldyń «Atyraý-Dossor» bóliginde 120 500 sharshy metrden qara qıyr­shyqtastyń ushqany anyqtalǵan. Soǵan baılanys­ty aqaý merdiger mekemeniń qar­jysyna qaıta jóndeý uıǵaryl­ǵan.

«Qazir joldyń bul bóligi kepildik merziminde tur. Alaıda merdiger aýa raıy qolaıly kezde aqaýlardy tolyǵymen joıý jumysyn ýaqytynda bastamady. Sol sebepten tapsyrys berýshi «QazAvtoJol» AQ Atyraý oblysy boıynsha fılıalyna jáne oblystyq memlekettik sáýlet-qurylys baqylaý basqarmasyna hat joldady. О́ıtkeni 553-589 shaqyrym aralyǵyndaǵy jolǵa 2021 jylǵy qyrkúıekte ortasha jóndeý bastalyp, 2022 jyldyń jeltoqsan aıynda tapsyrylǵan. Endi atalǵan jol bóliginiń betki qabatyn qaıta tóseý jumystary «Mańǵystaý qurylys kombınaty» AQ-nyń qarjysyna jasaldy», deıdi N.Jantýrın.

Merdiger kompanııaǵa qarasty jol ýchaskesiniń jetekshisi Naý­­ryz Súıinǵaranyń aıtýyna qaraǵanda, bul joldyń eki jyl­dyq kepildik merzimi bar. «Jol aktıvteriniń ulttyq sapa ortalyǵy» RMK fılıaly anyq­taǵan kemshilikterdi joıý úshin mamandar Mańǵystaýdan kelgen. Olar jol ústindegi tań­­ba­lardy qyryp, tazalaý ju­mys­taryn júrgizdi. Sodan soń 12 sha­qyrymǵa túgeldeı jáne keı tustaryna 1 500 tonna qara qıyr­­shyqtas tóseldi.

Atyraý oblysy