Portýgalııa quramasy men saýdııalyq «Al-Nasr» klýbynyń shabýylshysy Krıshtıaný Ronaldý rekord jańartty, dep jazady Egemen.kz.
Halyqaralyq fýtbol tarıhy jáne statıstıkasy federasııasynyń málimetinshe, «Al-Nasr» klýby Saýd Arabııasy chempıonatynyń 7-týrynda «Al-Ahlı» klýbyn 4:3 esebimen jeńdi.
Atalǵan jeńis áıgili fýtbolshynyń jeńilissiz ótkizgen 1001 matchy boldy. Krıshtıaný Ronaldýdyń osy ýaqytqa deıin ótkizgen oıyndarynyń 777-si jeńis, 224-i teń oıyn bolǵan.
K.Ronaldý «Al-Nasr» sapynda 28 (barlyǵy 33), «Iýventýsta» 114 (134), «Realda» 386 (438), «Sportıngte» 21 (31), Portýgalııa quramasynda 158 (201) bolǵanda esh utylmaǵan. Ol barlyǵy 1183 oıyn ótkizgen.