Qaraǵandy oblysynyń ákimi jylý elektr ortalyǵyndaǵy apatqa baılanysty turǵyndar aldynda sóz sóıledi, dep habarlaıdy Egemen.kz.
Búgin Qaraǵandydaǵy JEO-3-te bolǵan apat saldarynan turǵyndar jaryqsyz qaldy.
«Búgin tańerteń Qaraǵandy qalasyndaǵy JEO-3 stansııasynda jáne Topar GRES-2-de apatty jaǵdaı oryn aldy. Qazir Topar GRES-i júktemeni arttyryp jatyr. Meniń tapsyrmam boıynsha oblys ákiminiń birinshi orynbasary Vadım Basın oqıǵanyń mán-jaıyn anyqtaý úshin stansııaǵa bardy. Qazir «KEGOC» AQ-pen, stansııalarmen birlesip, júktemeni arttyryp, qysqa merzimde óńirimizdegi tutynýshylardy elektr qýatymen qamtamasyz etý boıynsha sharalar qabyldanyp jatyr», dedi ákim.
Buǵan deıin Qaraǵandy oblysy ákimdiginiń baspasóz qyzmeti apattyń mán-jaıy anyqtalyp jatqanyn habarlaǵan bolatyn.