О́tken jyly óńir sharýalary rekordtyq kórsetkishpen mal azyǵyn jınap alǵany belgili. Sondyqtan bıylǵy qurǵaqshylyq jambyldyq sharýa qojalyq ıeleri úshin aıtarlyqtaı qıyndyq týyndatyp otyrǵan joq. Jemshóp qory jetkilikti.
Oblys ákimdigi aýyl sharýashylyǵy basqarmasynyń basshysy Nurbı Jigitekovtiń aıtýynsha, osy jyly 351,2 myń gektar jerden shóp orylǵan eken. Naqtyraq aıtar bolsaq, 186,4 myń gektar alqaptan kópjyldyq, 26,7 myń gektar jerden bir jyldyq shóp, 141,1 myń gektar tabıǵı shabyndyq jáne 4,1 myń gektar alqaptan súrlemdik júgeri jınalǵan. Bir sózben aıtqanda, sharýalar ózderine qajetti mal azyǵyn jınal alǵan.
«Búgingi kúnge deıin barlyǵy 2,1 mln tonna pishen, 87,2 myń tonna pishendeme ázirlendi. Sondaı-aq 411,4 myń tonna saban, 75,5 myń tonna súrlem daıyndalǵan. Saban men súrlemdi jınaý jumystary áli de jalǵasyp jatyr. О́tken jyly sharýalar rekordtyq kórsetkeshke qol jetkizip, jem men shópti molynan jınaǵanyn da esten shyǵarmaǵan jón.
Budan bólek óńirde ótken jyldan qalǵan 250,7 myń tonna mal azyǵy bar ekenin aıta ketken lázim. Qazirgi tańda oblys boıynsha shóptiń baǵasy 700-1000 teńge aralyǵynda bolsa, jemniń tonnasy 11 myń teńgeden ótkerilip jatyr. Qysqasy, jambyldyq sharýalar qys mezgilinde mal azyǵynan qıyndyq kórmeıdi», deıdi oblys ákimdigi aýyl sharýashylyǵy basqarmasynyń basshysy N.Jigitekov.