Aqordanyń baspasóz qyzmeti 17-18 qazan kúnderi Qazaqstan Prezıdenti Qytaı Halyq Respýblıkasyna resmı saparmen baratynyn habarlady, dep jazady Egemen.kz.
«Beıjińde Qasym-Jomart Toqaev QHR Tóraǵasy Sı Szınpınmen, QHR Memlekettik keńesiniń Premeri Lı Sıanmen jáne Búkilqytaılyq halyq ókilderi jınalysy Turaqty komıtetiniń tóraǵasy Chjao Leszımen kelissóz júrgizedi, sondaı-aq joǵary deńgeıdegi «Bir beldeý, bir jol» bastamasynyń III forýmyna qatysady. Sonymen qatar sapar aıasynda Qytaıdyń iri kompanııalary basshylarymen birqatar kezdesý ótkizý josparlanyp otyr», delingen habarlamada.