2028 jylǵy AQSh-tyń Los-Andjeles qalasynda alaýy tutanatyn Olımpııa oıyndarynda jańadan bes sport túri qosyldy. Bul týraly Halyqaralyq Olımpıada komıteti (HOK) málimdedi.
Bes jyldan keıin muhıttyń arǵy betinde ótetin Olımpıadada jankúıerler krıket, baıraq fýtbol, skvosh, lakross jáne beısbol/softbol sekildi sport túrleriniń qyzyqty básekelerin tamashalaıtyn boldy. Beısbol/softbol, krıket jáne lakross sporty Olımpııa oıyndarynyń baǵdarlamasyna qaıta qosylyp otyr.
Máselen, beısbol/softboldyń tusaýy Tokıo Olımpıadasynda kesilse, krıket eń sońǵy ret 1900 jylǵy Parıjdegi dodada oınalǵan edi. Al lakross sportynyń básekeleri 1904 jyly Sent-Lýıs jáne 1908 jylǵy London Olımpıadalarynyń baǵdarlamasynan oryn alǵan. Al baıraq fýtbol men skvosh tuńǵysh ret Los-Andjelestegi tórt jyldyqtyń básekesinde oınalmaq.