Kostenko atyndaǵy shahtadaǵy jarylys kezinde zardap shekken 18 adam professor H. J. Maqajanov atyndaǵy aýrýhanaǵa jetkizildi. Barlyǵyna medısınalyq kómek kórsetilip jatyr. Barlyq qajetti mamandardy tarta otyryp, konsılıým ótkizildi, dep habarlaıdy Egemen.kz Qaraǵandy oblysy ákimdiginiń baspasóz qyzmetine silteme jasap.
«Ońtústik-Shyǵystaǵy H. J. Maqajanov klınıkasyna kómirtegi totyǵymen ýlaný dıagnozymen 15 adam jatqyzyldy. Olardyń bireýi aýyr dárejedegi kómirtegi totyǵymen ýlanǵan, al qalǵandary jeńil jáne ortasha dárejede ýlanǵan. Ekeýi Mıhaılovkadaǵy H.J. Maqajanov klınıkasynda: bireýi reanımasııada aýyr jaǵdaıda jatyr, ekinshisi operasııadan keıin travmatologııa bóliminde», dep habarlady Densaýlyq saqtaý basqarmasy.
Stasıonarǵa 17 adam jatqyzyldy, bir adam ambýlatorııalyq emdelýge úıine jiberildi.