Dúnıejúzilik densaýlyq saqtaý uıymynyń basshysy Tedros Adhanom Gebreıesýs Qaraǵandy oblysyndaǵy shahtada bolǵan apat saldarynan qaza tapqan kenshilerdiń otbasylaryna kóńil aıtty, dep habarlaıdy Egemen.kz.
«Búgin Qazaqstan halqy úshin óte qaıǵyly kún. Jaqyndarynan aıyrylǵan otbasylarǵa shyn júrekten kóńil aıtamyn», dep jazdy DDU basshysy X (Twitter) jelisinde.
Eske sala ketsek, 28 qazanda Qaraǵandy oblysyndaǵy «ArselorMıttal Temirtaý» kompanııasyna tıesili Kostenko shahtasynda jarylys boldy. Apat kezinde shahtada 252 adam bolǵan, 205 kenshi jer betine shyǵaryldy. Sońǵy derekterge sáıkes, qaza tapqandar sany 36 adamǵa jetti.