Saǵat 15:00-degi jaǵdaı boıynsha 42 adamnyń denesi tabyldy, 4 kenshini izdeý jalǵasyp jatyr. Bul týraly Tótenshe jaǵdaılar mınıstrliginiń baspasóz qyzmeti habarlady, dep jazady Egemen.kz.
Apatty joıý jónindegi respýblıkalyq jedel shtabtyń basshysy Tótenshe jaǵdaılar mınıstri general-maıor Syrym Sháriphanov shahtaǵa túsý jumystaryn júrgizdi. О́rt jáne kenshilerdiń qaza bolǵan jerlerin tekserý júrgizildi.
Taý-ken qutqarýshylary qajetti jabdyqtarmen jáne baılanys quraldarymen qamtamasyz etilgen. Gaz jaǵdaıyn baqylaý jalǵasyp jatyr. Izdestirý-qutqarý jumystaryna barlyǵy «Kásibı áskerılendirilgen avarııalyq-qutqarý qyzmetteriniń respýblıkalyq ortalyq shtaby» JShS Qaraǵandy fılıalynyń 55 taý-ken qutqarýshysy jáne 15 tehnıkasy jumyldyryldy.
Shuǵyl medısınalyq kómekti qamtamasyz etý úshin 21 adam jáne 7 birlik jedel medısınalyq járdem tehnıkasy jumyldyryldy.