Premer-mınıstrdiń orynbasary Tamara Dúısenova Kostenko atyndaǵy shahtada qaza tapqan kenshilerdiń jalaqysy qansha bolǵanyn aıtty, dep habarlaıdy Egemen.kz.
«Sıfrlyq otbasy kartasy arqyly olardyń jalaqysy týraly málimetterdi qaradyq. Biliktiligi men atqarǵan qyzmetine qaraı olardyń jalaqysy 300 myńnan bastalyp, 1,6 mıllıon teńgege deıin bolǵan», dedi T. Dúısenova úkimet otyrysynda.
Mınıstr kenshilerdiń jalaqysyn kóterý máselesi jyl saıyn qaralatynyn aıtty.
«Olardyń ujymdyq shartynda jumys kólemin júzege asyrǵany úshin tıisti qosymsha tólemder qarastyrylǵan», dedi vıse-premer.