Elimizde jyldyq ınflıasııa qazan aıynyń qorytyndysy boıynsha 10,8 paıyz boldy. Osylaısha, qyrkúıekpen salystyrǵanda tómendeý baıqaldy (ótken aıda 11,8 paıyz bolǵan). Ulttyq statıstıka bıýrosy taratqan aqparatqa súıensek, sońǵy bir jyl ishinde azyq-túlik taýarlarynyń baǵasy – 10,4 paıyzǵa, aqyly qyzmetter – 11 paıyzǵa, azyq-túliktik emes taýarlar 11,1 paıyzǵa qymbattaǵan.
2022 jyldyń qazanymen salystyrǵanda bıylǵy qazanda oramjapyraq – 69,1, kúrish – 40,3, júzim – 46,7, apelsın – 28,1, sábiz – 22,4, konservilengen sút – 22, kúnbaǵys maıy – 16,2, qumsheker 16 paıyzǵa qymbattaǵan. Qymbattaý jaǵynan medısınalyq ónimder de qalys qalmaı tur. Parasetamol baǵasy – 70, asetılsalısıl qyshqyl baǵasy – 32,3, ıod baǵasy 21,5 paıyzǵa ósken.
Ekonomıkanyń basqa sektorlaryndaǵy ónim túrleri boıynsha qymbattaý aıqyn ańǵarylady. Atap aıtqanda, olar – dızel otyny (+35,1%), suıytylǵan gaz (+12,8%), tas kómir (+12,6%).
«Qazanda tutýnyshylyq baǵalardyń aılyq ındeksi 0,7 paıyz boldy. Qyrkúıekte ol 0,6 paıyz bolǵan edi. Aqyly qyzmetter men azyq-túliktik emes taýarlar baǵasy 0,8, al azyq-túlik taýarlary 0,5 paıyzǵa artty», delingen bıýro málimetinde.