Elordada kezekti bos jumys oryndary jármeńkesi ótedi, dep habarlaıdy Egemen.kz qala ákimdiginiń baspasóz qyzmetine silteme jasap.
«Eńbek mobıldiligi ortalyǵy» KMM 2023 jylǵy 9 qarashada saǵat 14.30 - 17.00 aralyǵynda «Jastar» saraıynda «Bos jumys oryndary jármeńkesin» ótkizedi.
Jármeńkede qala aýmaǵynda ornalasqan memlekettik mekemeler men kásiporyndardaǵy turaqty jáne ýaqytsha jumys oryndaryndaǵy bos jumys oryndary usynylady.
Jármeńkege qurylys, bilim, medısına, saýda, kólik-logıstıka, qarjy jáne t.b salalardaǵy jumys berýshiler qatysady. Bos jumys oryndary jármeńkesine «Otbasy bank» AQ, «Sentr ıpotekı Astana» JShS, «QazaqZher» JShS, «Astana Tazalyq» JShS, «Bank SentrKredıt» AQ Astana qalasyndaǵy fılıaly jáne basqa da kóptegen jumys berýshi kompanııalar qatysady.
Sondaı-aq is-shara aıasynda «Jastar praktıkasy», «Alǵashqy jumys», «Urpaqtar kelisimsharty» baǵdarlamalar kásiptik oqytý jáne «enbek.kz» portalymen jumys isteý boıynsha túsindirý jumysy júrgiziledi.