«Abaı oblysynyń Azamattyq alıansy» ZTB bastamasy boıynsha oblystyń Qoǵamdyq keńesi referendým ótkizilgenge deıin Qazaqstanda AES salý máselesi boıynsha qoǵamdyq talqylaýlar ótkizedi, dep habarlaıdy Egemen.kz.
Eske salaıyq, Memleket basshysy bıylǵy Joldaýynda Qazaqstanda atom elektr stasııasyn salý máselesi boıynsha aldyn ala halyq arasynda qoǵamdyq talqylaýlar uıymdastyryp, jalpyulttyq referendým ótkizý týraly bastama kóterdi. Joldaýda Prezıdent referendým ótkizý merzimi keıinirek anyqtalatynyn atap ótti.
«Qoǵamdyq talqylaýlarǵa atom salasynyń sarapshylary qatysady. Talqylaýlar barysynda azamattar AES salýdaǵy tehnologııanyń qaýipsizdigi, sondaı-aq onyń áleýmettik-ekonomıkalyq aspektileri boıynsha ózderin tolǵandyratyn barlyq suraqtardy qoıa alady», delingen ákimdiktiń resmı telegram arnasynda.
Qoǵamdyq talqylaý Semeı qalasy, Q.Muhamedhanov kóshesi, 14 mekenjaıyndaǵy Rymbek Baıseıtov atyndaǵy qarjy-ekonomıkalyq kolledjiniń akt zalynda 15 qarashada saǵat 17.00-de ótedi.