El aýmaǵynda júrgizilgen «STOP-trafık» respýblıkalyq jedel-profılaktıkalyq is-sharasy kezinde adam saýdalaý faktileri de anyqtaldy, dep habarlaıdy Egemen.kz Polisia.kz-ke silteme jasap.
Arnaıy operasııa júrgizý kezinde 39 qylmys anyqtalǵan. Aǵza saýdasynyń 1 faktisi, eńbekke tartý maqsatymen zańsyz bas bostandyǵynan aıyrýdyń 3 deregi tirkelgen. Odan bólek Almaty oblysynda 24 jastaǵy turǵyn júktiliktiń jetinshi aıynda qursaǵyndaǵy balany satýdyń amalyn oılaǵan. Áleýmettik jelide habarlandyrý jarııalap, satyp alýshyny da tapqan. Bala satyp alýshylar kelinshektiń nesıe qaryzyn ótep bermekke kelisken. Kúdiktiniń ústinen «Kámeletke tolmaǵandar saýdasy» baby boıynsha sotqa deıingi tergeý bastaldy.
Shymkent qalasynda da 23 jastaǵy turǵyn balasyn deldal arqyly satpaq bolǵanda ustaldy. Bala sábıler úıine ótkizilip, kúdikti qamaýǵa alyndy. Bul týraly buǵan deıin habarlaǵan edik.