Erkin kúresten Qazaqstan komandasynyń bas bapkeri Madııar Quramysov Táýelsiz Qazaqstan tarıhynda tuńǵysh álem chempıony atanǵan Rızabek Aıtmuhan olımpıadalyq salmaqqa aýysqanyn aıtty, dep jazady Egemen.kz Olympic.kz-ke silteme jasap.
Qańtar aıynda Astanada ótetin Qazaqstan birinshiliginde lısenzııalyq týrnırge qatysatyn balýandar belgili bolady. Sol saıysta álem chempıony Rızabek Aıtmuhan da jańa salmaqta baq synaıdy.
«Rızabek olımpıadalyq salmaq sanalatyn 97 kelige aýysty. Qazirgi tańda Azamat Dáýletbekovpen birge Osetııada jattyǵyp jatyr. Bul salmaqta Álisher Erǵalı syndy balýanymyz baryn da bilesizder. Kim myqty ekeni ulttyq chempıonatta sheshiledi. Sol básekede kim jeńse, lısenzııaǵa sol talasady», dedi bapker.