Astanada búgin kóktaıǵaq bolatyny kútilip otyr. Osyǵan baılanysty qalalyq TJD turǵyndarǵa eskertý jasady, dep habarlaıdy Egemen.kz elorda ákimdiginiń resmı saıtyna silteme jasap.
Astana qalasy Tótenshe jaǵdaılar departamenti «Qazgıdromet» RMK derekteri boıynsha Astana qalasynda 30 qarasha kúni aýa raıynyń turaqsyzdyǵyna, temperatýranyń ózgerýine jáne qatty jaýyn-shashynǵa baılanysty kóktaıǵaq kútiletinin málim qyldy.
Astana ákimdigi aýa raıynyń qolaısyzdyǵyna baılanysty qala turǵyndary men qonaqtarynan jazataıym oqıǵalarǵa tap bolmas úshin saqtyq erejelerin saqtaýdy surady.
Habarlamada elordalyq qutqarýshylar tótenshe jaǵdaı týyndaǵanda 112 telefony boıynsha shuǵyl qyzmetterge qońyraý shalýdy surady. Ásirese kósheden óter kezde óte muqııat bolýǵa, sondaı-aq mektep oqýshylaryn kóktaıǵaq kezinde saqtyq erejelerin saqtaýǵa shaqyrdy.