Qazaqstanǵa bokstan Kýbanyń ulttyq quramasy keldi, dep habarlaıdy Egemen.kz boks federasııasynyń baspasóz qyzmetine silteme jasap.
Bokstan ulttyq qurama músheleri Kýba boksshylarymen tize qosyp oqý-jattyǵý jıynyn ótkizedi. Búginnen bastalatyn birlesken jattyǵý órisi 16 jeltoqsanǵa deıin jalǵasady. 17 jeltoqsan kúni Qaraǵandy qalasynda Ǵalym Jarylǵapovty eske alýǵa arnalǵan halyqaralyq týrnır jalaýyn kóteredi. Kýbadan kelgen 9 boksshy da osy dodaǵa qatyspaq. Quramanyń bas bapkeri Karlos Manýel Peres Reıes Qazaqstanǵa shaqyrǵan boks federasııasynyń basshylyǵyna alǵysyn bildirip, eki el boksshylarynyń arasynda berik qatynas ornaǵanyn aıtty.