Almaty oblysyndaǵy bilim mekemelerinde qaýipsizdikti qamtamasyz etý maqsatynda óńirdegi 10 kolledj ben 96 mektepke «FACE ID» aqparattyq júıesi ornatyldy. Bul týraly oblystyq bilim basqarmasynyń baspasóz qyzmeti habardar etti.
Jańa júıege stýdentter, oqýshylar men muǵalimderdiń, tehnıkalyq qyzmetkerlerdiń elektrondy sýretteri men aty-jóni engizilgen.
Qurylǵynyń beınekamerasyna qaraǵan kezde bazaǵa tirkelgen adamdarǵa týrnıketter avtomatty túrde ashylady. Al syrttan kelgen bóten adamdarǵa arnaıy qyzyl belgi kórsetiledi. Sáıkesinshe bilim berý mekemesine bóten adamdardyń kirýine tosqaýyl qoıylyp, balalardyń qaýipsizdigi qamtamasyz etiledi. Zamanaýı qurylǵynyń taǵy bir artyqshylyǵy – bilim alýshylardyń bilim ordasyna kirgen-shyqqan ýaqytyn aıqyndap otyrady.
Almaty oblysy