Kitap ortalyǵy ashyldy

Memleket basshysy Túr­kistanda ótken Ulttyq quryl­taıda óskeleń urpaqtyń tár­bıesi men bilimine, ulttyq múddege saı keletin kitaptar basyp shyǵarýǵa erekshe nazar aýdarǵan edi. Ol kitap shyǵarý isi ıdeologııalyq jumystyń bas­ty baǵyttarynyń biri eke­nin atap ótti.

Osylaısha, «Amanat» par­tııa­synyń ádebıetke degen qyzyǵýshylyqty arttyrý, adamdardy kitap oqýǵa yntalandyrý, otandyq kitap shyǵarýshylardy qol­daýǵa baǵyttalǵan «Kitap-Amanat» jobasy Qaskeleńde kezekti kitap or­talyǵynyń ashylýyna uıytqy boldy.

Partııanyń Almaty oblys­tyq fılıa­lynyń tóraǵasy Qýat Baıǵojaev or­talyqtyń búginde 2 myńǵa tarta kitap qory baryn atap aıtty. «Buǵan deıin 80 myńnan asa turǵyny bar Qas­keleń qalasynda birde-bir kitap dúkeni bolmaǵan. Al búgin 2 myńǵa jýyq kitap qory bar aıryqsha úlgidegi or­talyq ashyl­dy. Kitaptar barynsha arzan baǵada satylady. Qazaqsha kitaptyń túr-túrin kezdestirýge bolady. Bul joba elimizdegi qazirgi zaman avtor­larynyń shyǵarmalaryn ǵana emes, jalpy otandyq áde­bıetimizdi ilgeriletýge baǵyt­talǵan», deı­i fılıal tóraǵasy.

Al Halyqaralyq «Alash» syı­lyǵynyń laýreaty, jazýshy-pýblısıst Jumabaı Shashtaıulynyń aıtýyn­sha, qoǵamda kitap oqıtyn oqyrman bar, tek nasıhat jetkiliksiz. «Úlken qalalarda satylymda bar kitaptar shalǵaı aımaqtaǵy eldi mekenderdiń dúken sóre­lerine jetpeı jatady. Kóp jaǵdaıda qandaı kitaptardyń jaryqqa shyǵyp jatqany týraly oqyrman bilmeı de qalady. Al «Kitap-Amanat» jobasy – otandyq ádebıetti qoldaý baǵytyndaǵy mańyzdy qadam. Oqyrmandar úshin kórkem shyǵarmalar, balalar ádebıeti, oqýlyqtar men ádistemelikter, ǵylym men bıznes, proza men poezııa, psıhologııa týraly týyn­dylar kópshilik nazaryna usynylǵan. Sondyqtan mun­daı formattaǵy ortalyq kóp­­shiliktiń ki­tapqa degen qy­zyǵýshylyǵyn arttyrady», deıdi jazýshy.

Kitap ortalyǵyna al­ǵash­qy­lardyń biri bolyp bas suq­qan Mádı Saıdildın esimdi oqyr­­man mundaǵy qonaqjaı peıildiń ózine qatty unaǵanyn aıta kelip, «kreatıvke toly quthana» degen pikirin bildirdi. Ol óziniń jeke kitaphanasyn Qaırat Joldybaıulynyń «Kemel adam» týyndysymen tolyqtyrdy.

Ortalyqta aýqymdy is-sharalar, keleli kez­desýler ótkizýge bolady. Son­dyqtan «Amanat» par­tııasy Almaty oblystyq par­tııa fılıaly aldaǵy ýa­qytta elge tanymal qalam­gerlerdiń kitap kór­meleri men tusaýkeserlerin osynda uıym­dastyrýǵa múd­deli.

Eske sala keteıik, buǵan deıin mundaı ortalyqtar As­tana, Almaty, Shymkent qala­lary men Jambyl, Qara­ǵandy, Aqtóbe, Aqmola, Pav­lodar, Jetisý oblystarynda ashylyp, kitap dúkenderi qazirgi tańda turǵyndarǵa turaqty qyzmet kórsetip otyr.

Almaty oblysy