Ál-Farabı atyndaǵy Qazaq Ulttyq ýnıversıetiniń 90 jyldyǵy qarsańynda «Qazaq universiteti» gazetiniń 75 jyldyǵyna arnalǵan «Media University» stýdenttik sapstone ótti.
Is-sharany ál-Farabı atyndaǵy QazUÝ basqarma múshesi, akademııalyq máseleler jónindegi prorektory Lázzat Erkinbaeva quttyqtaý sózben ashyp, qara shańyraqtyń 90 jyldyq mereıtoıy aıasynda ótip jatqan shara qatysýshylaryna rızashylyǵyn bildirdi.
Mádenıet jáne aqparat mınıstrliginiń BAQ salasyndaǵy memlekettik saıasat departamentiniń dırektory Qaınar Ahetov ýnıversıtet pen gazettiń mereıtoıymen quttyqtap, gazettiń ujymyna shyǵarmashylyq tabystar tiledi. «Joǵary bilim salasynda jetekshi oqý ornynyń gazeti ýnıversıtet ómiriniń aınasy. Aqparat jáne mádenıet mınıstrligi jáne QazUÝ arasynda medıa salasynda mamandar daıarlaý men salalyq jýrnalıstıkany arttyrý boıynsha turaqty sharalar ótedi. Aradaǵy yntymaqtastyq jasandy ıntellekt jáne jýrnalıstıka, feshn jýrnalıstıka, medıaekologııa sııaqty basym baǵyttarda jalǵasady», dedi ol óz sózinde.
Jýrnalıstıka fakýltetiniń dekany Temirǵalı Kópbaev is-sharaǵa jınalǵandardy baspasóz mereıtoıymen quttyqtap, gazettiń ýnıversıtet ómirindegi mańyzyna toqtaldy.
BUU Jahandyq kommýnıkasııalar departamentiniń ókili – Almatydaǵy BUU Aqparattyq bıýrosynyń basshysy Vlastımıl Samek «Jaryq kórgenine 75 jyl bolǵan gazet qoǵam ómirindegi mańyzdy jańalyqtardy jarııalaı otyryp, ýnıversıtettiń áleýmettik tarazysy bola bildi. Gazet jýrnalıstıkanyń habarlaý, aqparattandyrý mıssııasyn atqaryp keledi. Bir aıtarlyǵy, bıyl BUU Adam quqynyń Búkilálemdik deklarasııasy qabyldaǵanyna 75 jyl tolyp otyr. Baspasóz adamnyń aqparat alý quqyna úlesin qosty dep aıta alamyn», dedi.
«Qazaq gazetteri» JShS Bas dırektordyń orynbasary – Almaty qalasy basylymdarynyń basshysy Dýman Anash qatysyp, gazettiń jaryq kórgen mereıli toıymen quttyqtap, stýdent shaǵynda alǵashqy jýrnalıstik qadamyn osy gazetten bastaǵanyn eske aldy.
«Qazaq universiteti» gazetin ár jyldary basqarǵan Bas redaktorlarǵa jetkende, Baspasóz jáne elektrondy BAQ kafedrasynyń professorlary Saǵymbaı Qozybaev, Dandaı Ysqaq, Saǵatbek Medeýbekuly, IýNESKO-nyń jýrnalıstıka jáne kommýnıkasııa kafedrasynan Aleksandr Rojkov, Bekjan Áshirbaev jáne Baspagerlik-redaktorlyq jáne dızaınerlik óner kafedrasynyń aǵa oqytýshysy Dármen Smaıyl ózderiniń estelikterimen bólisse, «Qazaq universiteti» gazetiniń tilshisi Qaıyrjan Tórejanov gazet shyǵarýdyń túp-tórkini jýrnalıstıka fakýltetinen bastaý alatynyn atap ótti.
Baspasóz jáne elektrondy BAQ kafedrasy uıymdastyrǵan sharada stýdenttik úzdik jobalar tanystyryldy. Gazettiń tarıhynan syr shertetin derekti fılm, jarnamalyq rolıkter, zııatkerlik oıyndar daıyndaǵan Arýjan Aǵybaeva, Adnan ál-Hattab, Eldar Kohan, Nazerke Ábilqasymova, Rolan Birjan, Qosqanat Baýyrjan, Saıat Tilemis, Baǵlan Turǵanbek sııaqty stýdentter baspasózdiń bolashaǵy men damýyna arnalǵan zertteýleri men usynystarymen tanystyrdy.
Is-shara barysynda «Qazaq universiteti» gazetiniń 75 jyldyǵyna arnalǵan ýnıversıtet ómiri men gazet tynysyna arnalǵan kitap, baspasóz jáne fotokórmesi uıymdastyryldy. Mádenı jáne akademııalyq merekege aınalǵan shara aldaǵy jyly jalǵasyn tabatyn bolady.