Ismerler ónerimen jarysty

Atadan balaǵa mura – ata­kásip, salt-dástúrimizdi jań­ǵyrtýdyń has sheberi atanyp júrgen aq samaıly qarııalar men aq jaýlyqty analardyń qatysýymen Kegen aýdandyq mádenıet úıinde «Atam, ájem jáne men» atty taǵlymy mol baıqaý ótti. Aýdandyq ishki saıasat bólimi, aýdandyq analar keńesi jáne «Sholpan» resýrstyq ortalyǵy qoǵamdyq qory» uıytqy bolǵan is-sharany ótkizýdegi basty maqsat – otbasynyń yntymaq-birligin, urpaqtar sabaqtastyǵyn, óne­geli tájirıbesin úlgi etip, nasıhattaý.

Maǵynasy zor bul baıqaýǵa 12 aýyldyq okrýgten ómirden kórgen-túıgeni mol ónegeli atalar men áje­ler n­eme­re-shóberelerimen qaty­­sýǵa nıet bildirip, belsene atsa­lys­qandyǵyn aıryqsha ataý abzal. Sheber ájelerdiń qı­yn­dydan qııýlastyrǵan qu­raq kórpe, zerli kesteleri men ata­lardyń at ábzelderinen bas­tap, balalarynyń qolynan shyq­qan zamanaýı turmystyq buıym­da­ry kórmege qoıylyp, kóp­tiń qy­zyǵýshylyǵyn týdyrdy.

«Zamanyna qaraı – adamy» degen. Osy kúni qolyna ıne ustap, is tigetin kelinder qa­ta­ry kemip barady. Eskini ja­ńar­tý, joqtan bar jasaı bilý – úlken óner. Úıdegi bala-shaǵa, nemerelerime ótken kúndi ósıet etip aıtyp, ismerlikpen qosa, maı shaıqap, qurt jasaýǵa baýlyp otyramyn. Búgingi baıqaýdan jas­tar túgili ózimniń úırenerim kóp eken. Biraz dúnıeni jadyma túıip baramyn. Osyny uıymdastyrǵan Sholpan Ilikqyzyna alǵysymyz sheksiz», – deıdi Bóleksaz aýylynan kelgen ismer áje Nurjamal Mátilova.

Sheberlikti pash etken baı­qaý barysynda qolóner buıymdary sarapqa salynyp, kór­mege qatysýshylardyń eń­bek­teri baǵalandy. Ádil­qa­zylar qorytyndysy boıynsha 1-oryndy Bóleksaz aýyldyq okrýginen kelgen Qozybaevtar otbasy ıelense, 2-oryn Ta­sa­shy aýyldyq okrýginiń tur­ǵyny Meıirmanovtar otbasyna bu­ıyr­dy. Al júldeli 3-oryndy Qa­­ra­bulaq aýyldyq okrý­ginen qatysqan Uzaqovtar enshiledi.

Sondaı-aq jyl boıy qo­ǵamdyq isterde belsendilik ta­nytqan analarǵa arnaıy syı­lyqtar tabys etildi. Baıqaý sońy ásem án, kúmbirlegen kúı­men qorytyndylandy.

Almaty oblysy