Bıylǵy kúz aıynyń jyldaǵydan jyly bolýyna qarap, ońtústik óńirde qys túspeıtindeı kórinip edi. Alaıda jeltoqsannyń ekinshi onkúndiginen bastap aýa raıynyń kúrt buzylýy aımaqty áp-sátte aq mamyqqa orap tastady. Nátıjesinde, oblys ortalyǵy Qonaevta kommýnaldy qyzmet kórsetýshi kompanııa jumyskerleri bir táýlikte 44 myń tekshe metrden astam qar shyǵarǵany jóninde Qonaev qalasy ákimdiginiń baspasóz qyzmeti habardar etti.
«Qazgıdromettiń málimetinshe, Qonaevqa 24,5 mm qar jaýǵan. Bul – ortasha aılyq kórsetkishten (21 mm) joǵary. Qazirgi tańda kommýnaldy qyzmet kórsetýshi kompanııa qala ákimi Nurlan Qumataevtyń tapsyrmasymen kúsheıtilgen rejimde jumys jasap jatyr. Qalada táýlik boıy qar tazalanyp jatyr. Júrgizýshilerden kólikterin joldyń jıeginde qaldyrmaýdy suraımyz. Sebebi kólikter aýyr tehnıkalardyń júrýine kedergi jasaıdy», delingen ákimdiktiń habarlamasynda.
Búginde qalada 13 tehnıka men 30 adam kidirissiz jumys jasap jatyr. Aldymen qoǵamdyq kólikter júretin joldar kúrelip, keıinnen basqa kóshelerdi qardan tazartý jumystary josparly túrde júzege asyrylyp jatyr.
Almaty oblysy